Abuzuan me tenderat/ KLSH padit në SPAK ish-drejtorin e Portit të Durrësit dhe 6 punonjës

26 Janar 2022, 15:52, Aktualitet CNA

Abuzuan me tenderat/ KLSH padit në SPAK ish-drejtorin e Portit të

KLSH ka kallëzuar në SPAK ish drejtorin e përgjithshëm të Autoritetit Portual Durrës dhe 6 punonjës të tij për ?Shkelje e barazisë së pjesëmarrësve në tendera apo ankande publike? dhe ?Shpërdorimi i detyrës?.

Nga verifikimet e kryera, u konstatuan shkelje dhe parregullsi në pjesëmarrjen në tendera.

6 funksionarët e tjerë të kallëzuar në SPAK janë përgjegjësi i prokurimeve, dy përgjegjës sektori, një jurist dhe dy specialistë.

NJOFTIMI I KLSH:
Kontrolli i Lartë i Shtetit, në cilësinë e institucionit më të lartë të kontrollit ekonomik dhe financiar të organeve të pushtetit qendror dhe vendor, ka ushtruar auditim përputhshmërie dhe rregullshmërie në subjektin Autoriteti Portual Durrës (APD) për periudhën e veprimtarisë 01.07.2018- 31.12.2020.

Konkretisht nga auditimi i kryer lidhur me procedurën e prokurimit ?Shërbim konsulence?, me objekt ?Libri i tarifave? janë konstatuar një sërë shkeljesh dhe parregullsish të ndërmarra me veprime aktive nga ish Drejtori i Përgjithshëm Ekzekutiv i Autoritetit Portual Durrës, Përgjegjësi i Prokurimeve, dy Përgjegjës Sektori, një jurist dhe dy specialistë.

Veprimet e ish Titullarit të APD dhe punonjësve të tij janë kryer në kundërshtim me ligjin dhe aktet nënligjore që normojnë detyrën e tyre funksionale, si dhe rregullat e prokurimit publik, duke sjellë për pasojë keqpërdorim të fondeve publike.

Në lidhje me këto shkelje, Kontrolli i Lartë i Shtetit ka depozituar në Prokurorinë e Posaçme Kundër Korrupsionit dhe Krimit të Organizuar kallëzimin penal që i atribuohet shtatë funksionarëve të Autoritetit Portual Durrës për veprën penale ?Shkelje e barazisë së pjesëmarrësve në tendera apo ankande publike? dhe ?Shpërdorimi i detyrës?, parashikuar respektivisht nga neni 258 dhe 248 i Kodit Penal.