PAZARET media-qeveri/ Taulant Balla dhe Rilindja emërojnë dekanen e Hysenbelliut në Komisionin e Konkurencës

26 Janar 2022, 13:54, Aktualitet CNA
PAZARET media-qeveri/ Taulant Balla dhe Rilindja emërojnë dekanen e

Lidhjet e Irfan Hysenbelliut me Rilindjen dhe pazaret e pronarëve të medias si klientelë e qeverisë nuk janë të rastësishme.

CNA.al ka raportuar shpesh lidhjet e Irfan Hysenbelliut me Qeverinë dhe përfitimet apo përdorimin prej saj. Së fundi Rilindja ka si përfaqësues të saj në mediat e Irfanit, Alfred Pezën ish-gazetarin që u kap si milioner me aksione në një bankë të nivelit të dytë, sekretari Edi Ramës, politikan i Partisë Socialiste, ish-deputet i saj, është sot drejtor i medias Panorama.

Tani po sjellim një rast tjetër, kur media dhe pushteti çiftohen.

Dekania e Fakultetit juridik në Universiteti ?Luarasi?, në universitetin e Irfan Hysenbelliut, Rezana Konomi është zgjedhur në shkelje të ligjit, anëtare e Komisionit te Konkurrencës.

CNA.al po sjell faktin se personi që ka 7 vjet dekane në universitetin e Irfan Hysenbelliut është zgjedhur në kundërshtim me ligjin zgjedhor në institucionin e Komisionit të Konkurencës.

Po si është zgjedhur dhe kush ia zgjedh njerëzit Irfan Hysenbelliut?

Irfan Hysenbelliu njihet për lidhjen e ngushtë me Taulant Ballën, me kryetarin e grupit parlamentar të PS-së dhe ish-sekretari i përgjithshëm i Partisë Socialiste.

Zonja Konomi është zgjedhur nga Taulant Balla, kandidatura ka kaluar nga Grupi Parlamentar i PS-së dhe ka pasur gjithë mbështetjen e duhur megjithsë ka pasur problem të shkeljes së ligjit në zgjedhjen e saj.

Konomi u zgjodh anëtare e Komisionit te Konkurrencës, me 11 Tetor 2021, me votat e grupit parlamentar të Partisë Socialiste.

Pas zgjedhjes kujtojmë se ishte kreu i grupit parlamentar të PS Taulant Balla, që deklaroi se Rezana Konomi është kandidatura që ka marrë shumicën e votave nga Partia Socialiste për t?u zgjedhur si anëtare e Komisionit të Konkurencës.

Balla më tej për të mbuluar lidhjen me Hysenbelliun dhe gjithë prapaskenat, tha se Konomi ishte zgjedhur për shkak të arsimimit, edhe për shkak të eksperiencave të mëparshme.

Pra, është Taulant Balla që ka mbështetur dhe zgjedhur njeriun e Irfanit edhe pse në kundërshtimin me ligjin, si qokë e Rilindjes për një pronar mediash.

Për atë që ka dyshime ju kujtojmë se miqësia Balla-Hysenbelliu është mjaft e thellë, tek Irfani bëhen edhe takimet e mëdha politike. Siç është rasti i takimit të Taulant Ballës me Erion Veliajn e Lulzim Bashën.

Irfani është famshëm për bëmat e gjëmat e tij por gjithsesi po sjellim faktin se si, dekania e fakultetit të Irfanit çohet kundërligjshëm si përfaqësuese e një institucioni shtetëror.

Një konflikt i pastër interesi, në shkelje të hapur të ligjit.

Në bazë të Ligjit për Konfliktin e interesit thuhet se: ?Në parim, çdo zyrtar është subjekt i këtij ligji nëse ai ka një rol të caktuar në vendimmarrjen për nxjerrjen e një akti ose ndodhet në një funksion publik të caktuar. Gjithashtu, çdo institucion shtetëror, çdo organ ose subjekt i krijuar ose i kontrolluar nga një institucion shtetëror, janë subjekte të këtij ligji.

CNA.al do të sjellë të plotë investigimin në lidhje me këtë rast, ditët në vijim.

Sot po ndalemi vetëm tek faktin se si dekania e Irfanit është bërë anëtare e Autoritetit të Konkurecës, me mbështyetjen e Taulant Ballës dhe Rilindjes./CNA.al

Lajmet e fundit nga