Dy ditë pas shpërthimit me tritol/ Armand Duka “blindon” shtëpinë me policë privatë

26 Janar 2022, 17:01, Aktualitet CNA
Dy ditë pas shpërthimit me tritol/ Armand Duka “blindon”

Presidenti i FSHF-së, Armand Duka ka shtuar masat e sigurisë pas shpërthimit me eksploziv që iu vendos dy ditë më parë në hyrje të shtëpisë së tij.

Mësohet se shtëpia e tij në Durrës po ruhet me policë privatë, sipas asaj që raporton ABC news.

I akuzuar për shpërthimin me tritol është Arlen Hasanaj, i cili është arrestuar. Megjithatë ai mohon të jetë ai autori i krimit.

Për këtë person është pyetur Armando Duka. Ai ka deklaruar se nuk ka asnjë konflikt me Hasanajn. 34-vjeçari është bashkëpronar I një biznesi në Durrës që operon në tregtinë e produkteve ushqimore dhe atyre elektro-shtëpiake. Gjithashtu administron një bar- kafe dhe një marketi në lagjen ku banon.

Prokuroria po heton mbi një konflikt të mundshëm mes Hasanajt dhe Dukës për tregtinë e pajisjeve elektro shtëpiake apo dhe me persona të tjerë./CNA.al

Lajmet e fundit nga