Shiste armë zjarri kontrabandë/ Arrestohet pronari i dyqanit

17 Nëntor 2021, 09:38, Kronika CNA
Shiste armë zjarri kontrabandë/ Arrestohet pronari i dyqanit

Policia ka vënë në pranga një person, i cili posedonte dhe shiste armë zjarri, gjahu e sportive të futura kontrabandë, duke i kamufluar në dyqanin që kishte për shitje të armëve me leje, vihet në pranga pronari i dyqanit.

Në kuadër të operacionit janë sekuestruar 2 armë zjarri pistoletë, 4 armë sportive, 3 armë gjahu, pjesë armësh dhe krehër me fishekë luftarakë.

“Specialistët për Hetimin e Krimit në Komisariatin e Policisë Vorë, në vijim të punës për parandalimin, evidentimin dhe goditjen e armëmbajtjes pa leje dhe trafikimit të armëve të zjarrit, si rezultat i informacioneve të siguruara në rrugë operative se një shtetas, në dyqanin e tij që e kishte me leje për të shitur armë zjarri, fuste armë zjarri kontrabandë dhe më pas i shiste pa i regjistruar, organizuan dhe finalizuan operacionin e koduar “Kamuflimi”.

Si rezultat, në kuadër të këtij operacioni u bë arrestimi i shtetasit Y. O., për veprat penale “Mbajtja pa leje dhe prodhimi i armëve, armëve shpërthyese dhe i municionit? dhe ?Mbajtja pa leje dhe prodhimi i armëve të gjuetisë dhe sportive”, thuhet në njoftimin zyrtar./CNA.al

Lajmet e fundit nga