web counter
LEXO PA REKLAMA!

SHKARKO APP

App Store
Google Play

E fundit!

x

“Përballu me Berishën, nëse fiton na ke nga pas”/ Vokshi “kryqëzon” Bashën në Kryesi

15 Nëntor 2021, 20:08, Politikë CNA

Deputetja e PD, Albana Vokshi e ka konsideruar një akt përçarës vendimin e kreut të PD, Lulzim Basha, për mbledhjen e Kuvendit më 18 dhjetor.

Gjatë mbledhjes së Kryesisë në Partinë Demokratike, ajo ka akuzuar kryedemokratin Basha se po ngre  struktura paralele antistatutore dhe i ka bërë thirrje të përballet me Berishën në Kuvend.

?Shpresoj sot të merrnit tjetër vendim, t’i bashkoheshit 4200 firmëtarëve në datën 11 dhjetor. Vendimi juaj është akt perçarës, jo demokratik autoritarist. Neni 46: Kuvendi përfaqëson forumet dhe vendimmarjen e anëtarësisë. 

Ju sot nuk po përfaqësoni e po fyeni 4200 anëtarë të Kuvendit kur përmendni Tomën-Aqifin, Suel Çelën, Rrahja. Neni 43 përcakton 1/4 e firmëtarëve, janë mbledhur shumë më shumë. Sfidoj znj Duma dhe znj. Pampuri të vijnë e së bashku të certifikojmë firmat e degëve 9 dhe 11 se i njohin. Janë mbi 75% e firmave të delegatëve. Ftoj të gjitha zonjat e gra të punës që keni ngritur ju, të certifikojnë firmat e LDGSH se kanë qenë pjesë e procesit zgjedhor të deritanishëm të LGDSH.

Janë më shumë se 75% e delegatëve që kanë firmosur. Thoni pse i fusni në kasafortë: po nëse ju vidhni Facebook dhe simbolet e LDGSH si mund t’ju besojmë firmat. Flisni për struktura paralele, por ju keni krijuar struktura jashtë partisë që lincojnë këdo që mendon ndryshe nga ju e është kritik i juaji. Struktura paralele po krijoni ju: keni ngritur një  grup për LDGSH ndërkohë që po fyeni mundin e 10 mijë grave që kanë marrë pjesë e këtij procesi vitin që shkoi. 

Ju po krijoni struktura paralele me vendime antistatuore, antidemokratike.  Ju ka rënë popullariteti, përballuni me Berishën në Kuvend e nëse fitoni ju na keni pas. Demokracia është VOTË. E nuk është uzurpim i hapësirave që nuk ju takojnë. Vendimet në 11 dhjetor i merr anëtarësia jo ju?, deklaroi Vokshi./CNA.al





Lajmet e fundit nga