web counter
LEXO PA REKLAMA!

SHKARKO APP

App Store
Google Play

E fundit!

x

Një sfidë publike për Lulzim Bashën/ Faktet që e vënë me “shpatulla pas muri”

15 Nëntor 2021, 11:23, Politikë CNA

Kryetari në detyrë i Partisë Demokratike, Lulzim Basha sot ka vijuar të reklamojë veten e tij, si një person i diplomuar në Perëndim.

Gjatë fjalës së tij në Kuvend, ndërsa replikonte me kryeministrin Edi Rama, Basha tha ?Kujdes kur matesh me ne sepse ta ka thënë paraardhësi yt sesi të ka sjellë këtu. Kujdes kur matesh me ne sepse jemi gjeneratë tjetër ne. Vijmë nga universitetet më të mira të Europës. Ajo që na ka kthyer është dëshira për ti shërbyer vendit. Nuk vijmë nga muri mbrapa i Gare du nord për ti bërë këtij vendi atë që i ke bërë ti.?-tha Basha.

Pra, Lulzim Basha vijon me të njëjta retorika, që ai është diplomuar në Perëndim.

Përtej të gjitha skandaleve, zullumeve dhe dështimeve të njëpasnjëshme gjatë viteve të tij në politikë, një ?hije? skandali që e përndjek Lulzim Bashën, është pikërisht edhe historia e diplomimit të tij të pretenduar në Hollandë.

Basha mburret me diplomimin e pretenduar në Universitetin e Utrecht në Hollandë, por diploma e tij nuk është bërë kurrë publike.

Në dhjetor të vitit 2018, në media u publikua një lajm sipas të cilit, kreu i Partisë Demokratike, Lulzim Basha ka gënjyer në lidhje me diplomimin e pretenduar në Hollandë. (Lexo këtu)

Sipas këtyre informacioneve, Lulzim Basha e ka filluar shkollën në vitin 1993 dhe e ka përfunduar në vitin 2005. Pra, i janë dashur 12 vite për të përfunduar shkollën, nga të cilat në 6-të vite mori vetëm diplomën e 1 viti përgatitje dhe me korrespondencë përfundoi studimet kur ishte në Kosovë.

Por, në deklarimet që ka bërë vetë kreu i PD-së, studimet në universitetin e Utrecht në Hollanë kanë zgjatur prej vitit 1993-2000. Pra, 7 vjet, studime këto të kryera me paratë e Soros, kuptohet.

Redaksia e CNA.al për të hedhur dritë mbi të vërtetën, i është drejtuar me një letër kreut të PD-së, Lulzim Basha në datë 25.04.2019, duke i kërkuar që të japë autorizimin për dhënien e informacionit, sipas kërkesës së zyrtares së  Universitetit të Utrecht në Holandë. (lexo këtu)

Por, diploma e Lulzim Bashës nuk është bërë kurrë publike.

Lulzim Basha me heshtjen e tij tregon se ka diçka për të fshehur.

Si lider perëndimor që pretendon se është, nëse nuk ka asgjë për të fshehur, tashmë Lulzim Basha do duhej të kishte kthyer përgjigje dhe duhet të kishte publikuar diplomën që pretendon se ka marrë në Holandë.

Mjafton të publikojë diplomën, dhe ?gojët e liga?, që hedhin dyshime mbi ?liderin perëndimor?, do të heshtin./CNA.al

Zbulohet pse hesht kreu i PD-së/ Basha u shkollua me paratë e Soros

CNA kërkon të vërtetën e shkollimit të Bashës/ Universiteti përgjigjet, kërkon autorizimin e kreut të PD-së

Lulzim Basha ka gënjyer edhe për shkollën e lartë/ Me korrespodencë dhe i ka zgjatur 12 vite

Basha fsheh diplomën/ Ja çfarë ka deklaruar

Hesht për skandalin e diplomimit në Holandë/ Çfarë fsheh Lulzim Basha?

Një i pashkollë pretendent për kryeministër?/ Pse Basha fsheh diplomën





Lajmet e fundit nga