E fundit!

10:25 Aktualitet

Paketa e Maleve/ Rama u përgjigjet sharësve në rrjetet sociale

Kryeministri Edi Rama ka folur për Paketën e Maleve dhe ak...

Basha jep alarmin/ “Zhduken” miliardët e marra borxh, ekonomia drejt katastrofës

15 Nëntor 2021, 10:19, Politikë CNA

Kryetari në detyrë i Partisë Demokratike, Lulzim Basha gjatë fjalës së tij në Kuvend, ka akuzuar qeverinë se po zhyt ekonominë në borxhe.

Sipas Bashës qeveria ka marrë miliarda borxhe në emër të shqiptarëve, të cilat janë keqmenaxhuar dhe nuk janë kthyer në shërbime për qytetarët.

?Miliardat që keni marrë borxh në emër të shqiptarëve, taksat që keni rritur për të financuar makutërinë tuaj, nuk kanë shërbyer për krijimin e mirëqënies për qytetarët.

E ndonëse qeverisni këtë vend prej 8 vitesh, gjysmën e të cilave të vetëm, pyetjet për cështjet kryesore që shqetësojnë shqiptarët i keni lënë pa përgjigjje.

Sepse ndonëse keni marrë më shumë borxh se të gjitha qeveritë e mëparshme të bëra bashkë, keni rritur taksat dhe tarifat më lart se kurrë më parë në historinë e këtij vendi që nga Tanzimati, nuk keni ditur t?i ktheni miliardat që keni keqmenaxhuar as në mirëqënie për qytetarët, as në paga dhe pensione më të larta dhe të dinjitetshme, as në përmirësimin e produktivitetit të sipërmarrjeve.

Përkundrazi. Miliardat që keni marrë borxh në emër të shqiptarëve, taksat që keni rritur për të financuar makutërinë tuaj, kanë shërbyer për ndërtimin e një ekonomie të përqëndruar në pak duar

Me shtetin e përdorur si punëdhënës patronazhistësh dhe i pak oligarkëve, me të cilët keni vrarë konkurencën e lirë, keni ndrydhur zhvillimin ekonomik, keni penguar investimet e huaja.

E keni bërë Shqipërinë një vend nga i cili largohen të rinjtë e të rejat, largohen profesionistët dhe forca prodhuese e shoqërisë?-tha Basha.

Më tej, ai theksoi se qeveria po dëmton prodhimin vendas, ndërsa paralajmëroi rritje të mëtejshme të çmimeve.

?Kjo nuk është çështje buxheti, por mentaliteti.

Dhe mentaliteti juaj, duket edhe njëherë në këtë buxhet, që përvec taksave dhe aksizave që rriten dhe shtohen, shfaq dukshëm tahmanë për të mbrojtur status quo-në dhe interesat e një pakice, që pengon zhvillimin, që dëmton prodhimin vendas, që ka nxitur dhe do vazhdojë të nxisë një rritje të mëtejshme cmimesh nga e cila penalizohen të gjitha familjet shqiptare.

Mirëpo Shqipëria ndodhet përballë sfidave të mëdha dhe ka nevojë për zgjidhje po aq të mëdha.

Që ju nuk i jepni dot.

Sepse ndërkohë që ju majmeni e krenoheni majë plehut, vendi po plaket me shpejtësi marramendëse. Rritja e numrit të të moshuarve po shoqërohet me emigrimin e familjeve të reja dhe me normat më të ulëta të lindshmërisë në vend.?-deklaroi Basha./CNA.al