web counter
LEXO PA REKLAMA!

SHKARKO APP

App Store
Google Play

Ramës i dështon propaganda/ “Kryqëzohet” nga qytetarët: Mburreni me atë që kanë lënë të tjerët

15 Nëntor 2021, 08:48, Politikë CNA

Në vijim të ritualit të tij të përdithshëm, kryeministri Edi Rama mëngjesin e sotëm ka përshëndetur ndjekësit e tij në rrjetet sociale, duke publikuar një foto nga kopertina e librit ?Albania?.

?Mirëmëngjes dhe me Shqipërinë tonë mahnitëse që në vitin 2022 gjen vend në raftin e edicioneve speciale të Shtëpisë Botuese Britanike, Bradt Guides – e mirënjohur botërisht për guidat prestigjoze – ju uroj një javë të mbarë?-shkruan Rama.

 

Por, pas këtij postimi, qytetarët kanë shpërthyer në komente duke I drejtuar jo pak Kritika edhe kreut të qeverisë.

?Ee Albania shumë e bukur është, por disa e kanë bërë kaq pis, sa që nuk ja vlen të jetosh më këtu. Se këtu njërzit nuk punojnë, disa e kanë mendjen të rrijnë nëpër lokale, disa të tjerë ku të rrëmbejnë atë pak pasuri të shqiptarëve. Disa bëjnë tendera vend e pa vend. Pra një Shqipëri corap. Nuk është me ajo Shqipëri kur punohej dhe kishte lezet cdo gjë. Ky është mendimi im, ju pëlqen ose jo.?.shkruan një qytetar.

Më tej një tjetër shkruan se monumentet e kulturës janë lënë në harresë, ose janë shembur për të bërë pallate.

?Monumentet e kultures të mbetura janë o të turkut o të italianit. Se ne i shembim për të ndërtuat pallate. Kurse urat që ndërtojmë kohën e sotme, jetëgjatësia e tyre mund të jetë 20 ose 30 vjet?-shkruan qytetari.

Po ashtu një tjetër shkruan ?Z. kryeministri mburreni me ato çka na kanë lënë të tjerët se vetë e keni lënë popullin në mjerim total?./CNA.al





Lajmet e fundit nga