web counter
LEXO PA REKLAMA!

SHKARKO APP

App Store
Google Play

E fundit!

x

Apeli i Ipeshkvijve të Shqipërisë/ Meta mesazh të fortë Ramës

14 Nëntor 2021, 12:14, Politikë CNA

Presidenti Ilir Meta ka reaguar pas thirrjes së fortë të Ipeshkvijve të Kishës Katolike Shqiptare drejtuar qeverisë për të marrë masa konkrete për më të varfrit, më të pamundurit në kushtet kur në vend janë rritur ndjeshëm çmimet dhe pritet rritje tjetër e tyre.

Në një postim në rrjetet sociale, Meta shkruan se e mbështet plotësisht mesazhin e tyre ndërgjegjësues.

Meta i drejton edhe një mesazh të fortë kryeministrit Edi Rama, ndërsa thekson se nevojitet një politikë e përgjegjshme ekonomike që lufton varfërinë dhe ndalon shpopullimin.

?E mbështes plotësisht mesazhin ndërgjegjësues dhe aktual drejtuar të gjitha institucioneve shtetërore në vend nga Ipeshkvijtë e Kishës Katolike Shqiptare, misionarëve të Zotit, që çdo ditë janë pranë të varfërve, të pamundurve dhe të mënjanuarve duke bërë çmos për t?ju garantuar mirëqenien dhe dinjitetin njerëzor, për t?ju dhënë zë kauzave të tyre, nxitur solidaritetin, administrimin dhe shpërndarjen e drejtë të të mirave të përbashkëta.

Nevojitet një politikë e përgjegjshme ekonomike në interes të qytetarëve, që lufton varfërinë, garanton përfshirjen e plotë sociale, mbështetjen e të pamundurve dhe integrimin e tyre në shoqëri dhe që ndalon shpopullimin e vendit!?, -shkruan Meta në postimin e tij./CNA.al

Ipeshkvijtë e Shqipërisë apel qeverisë/ Ktheni sytë nga të varfërit, merrni masa konkrete





Lajmet e fundit nga