Video-Sherri me thika, tmerrohen nxënësit/ Shoferi i furgonit të shkollës përleshet në mes të rrugës

3 Nëntor 2021, 14:08, Kronika CNA
Video-Sherri me thika, tmerrohen nxënësit/ Shoferi i furgonit të

Një ngjarje e rëndë është regjistruar mesditën e sotme rreth orës 13:35, në rrugën ?Qemal Stafa?.

Drejtuesi i një furgoni që transportonte nxënësit e një shkollë private, është përfshirë në një sherr me thika me një drejtues të një tjetër automjeti.

Fëmijët janë tmerruar dhe kanë shpërthyer në të qara, pasi janë bërë dëshmitarë të këtij sherri të përgjakshëm.

Shoferi i furgoni të fëmijëve ka përfunduar në spital, për shkak të plagëve të marrë nga goditjet me thika, sëbashku me agresorin tjetër, me të cilin është ndeshur, në mes të rrugës.

Policia zyrtarisht njofton se gjithçka ka nisur për shkak të bllokimit të rrugës, nga njëri prej automjeteve.

?Dyshohet se për shkak të bllokimit të rrugës, një shtetas ende i paidentifikuar  që qarkullonte me një automjet ka goditur dyshohet me mjet prerës shtetasit A. V, 37 vjeç dhe V. V, 42 vjeç(drejtues mjeti të furgonit të shkollës) të cilët ndodhen në spital, nën kujdesin e mjekëve?, thuhet në njoftimin e Policisë.

CNA.al po sjell pamjet nga vendi i ngjarjes./CNA.al

Lajmet e fundit nga