LEXO PA REKLAMA!

SHKARKO APP

Këshilli i Europës vlerëson zgjedhjet e 25 prillit/ Deputeti i opozitës: Ndihem i nderuar, ishin më të mirat ndër vite

21 Qershor 2021, 15:09, Politikë CNA
Këshilli i Europës vlerëson zgjedhjet e 25 prillit/ Deputeti i

Deputeti i opozitës Arlind Çaçani ka marrë pjesë në Asamblenë e Këshillit të Europës, ku po raportohet për zgjedhjet e 25 prillit në vendin tonë.

Çaçani u shpreh i nderuar teksa ka marrë vlerësimin për mbajtjen e zgjedhjeve në Shqipëri, të cilat u cilësuan si më të mirat ndër vite.

Deputeti i opozitës gjithashtu deklaroi se në Ansamblenë e Këshillit të Europës u vlerësua edhe reforma zgjedhore dhe puna e të gjitha institucioneve, të cilat u morën me përgatitjen dhe mbarëvajtjen e zgjedhjeve.

Reagimi i plotë i Çaçanit:

Është një ditë e rëndësishme për vendin tonë ku në Asamblenë e Këshillit të Europës po raportohet mbi Zgjedhjet e 25 Prillit të mbajtura në Shqipëri.

Si përfaqësues të Shqipërisë në delegacionin e PACE sot në asamble ndihemi të nderuar që nga të gjithë folsit kemi marr vlerësim për mbajtjen e zgjedhjeve me standarte në vendin tone.

Ku u vu në dukje dhe u theksua që zgjedhjet ishin më të mirat ndër vite.

U vlerësua Reforma Zgjedhore, si dhe puna e të gjitha institucioneve për përgatitjen e mbarëvajtjen e zgjedhjeve.

U vlerësua progresi që ka bërë Shqipëria për zgjedhje të lira e demokratike.

Si pjesë e grupit të PPE/CD ndihem i vlerësuar nga fjala e Z. Aleksander Pociej Kryetari i Grupit PPE/CD ku ndër të tjera theksoj:

(-Më 6 shtator 2020, Presidenti i Shqipërisë thirri Zgjedhjet Parlamentare për 25 Prill 2021.

-Më 22 Janar 2021 Byroja e Asamblesë Parlamentare vendosi të vëzhgojë këto zgjedhje, natyrisht që do të marrë një ftesë për të ngritur një komision Ad Hoc të përbërë nga 20 anëtarë, si dhe dy bashkëraportuesit e Komisionit për Nderimin e Detyrimet dhe zotimet nga Shtetet Anëtare të Këshillit të Evropës (Komiteti i Monitorimit).

-Komiteti i përkohshëm i Asamblesë punoi në Shqipëri nga 21 deri më 26 Prill.

Delegacioni i Asamblesë u nda në 11 ekipe dhe vëzhgoi proçesin e votimit në një numër vend votimesh në Tiranë, kryeqytetin dhe rrethinat e saj, si dhe në Elbasan, Durrës, Kavajë, Dibër, Fier dhe në fshat.

Delegacioni i vëzhgimit të zgjedhjeve të Kuvendit arriti në përfundimin se Zgjedhjet Parlamentare u karakterizuan nga fushata të gjalla dhe gjithë përfshirëse falë një kornize ligjore që ndihmoi në sigurimin e respektimit të lirive themelore.

Delegacioni vëzhgues i Asamblesë vuri në dukje se ditën e zgjedhjeve, në shumicën e qëndrave të votimit të vizituara nga anëtarët e delegacionit, proçesi i votimit ishte përgjithësisht i qetë dhe proçedurat ndiqeshin në përgjithësi.

Delegacioni ynë vuri në dukje se zgjedhjet parlamentare u mbajtën pas një marrëveshje politike përparimi të arritur në Qershor 2020 e cila u pasua nga një reformë zgjedhore.

Delegacioni i Asamblesë zbuloi se, përkundër disa paqartësive, korniza ligjore përbën një bazë të përshtatshme për zhvillimin e zgjedhjeve demokratike.

Asambleja dhe Komisioni i Venecias janë të gatshëm të vazhdojnë bashkëpunimin me autoritetet shqiptare për të përmirësuar më tej kuadrin ligjor dhe procesin zgjedhor në vend.)

Unë e vlerësoj dhe e përshëndes këtë vlerësim për vendin tim dhe shpresojmë që progresin ta çojmë në nivele më të kënaqëshme./CNA.al

Lajmet e fundit nga