Connect with Us

Faktet-Pse marrëveshja Rama-Basha funksionon/ Si e “vrau” Sali Berishën, dhe shiti Ilir Metën tek Rilindja

Politikë

Faktet-Pse marrëveshja Rama-Basha funksionon/ Si e “vrau” Sali Berishën, dhe shiti Ilir Metën tek Rilindja

Publikuar

-

Një nga kosot më të mëdha politike që ka pasur opozita, është marrëveshja e vitit 2017, mes kryeministrit Edi Rama dhe kreut të PD-së, Lulzim Basha. Kjo shpesh është kontestuar jo vetëm nga kritikët, por edhe njerëz afër tij, të cilën e kanë cilësuar si një marrëveshje për interesa korruptive, e iniciuar nga George Soros dhe me pasoja të rënda për politikën shqiptare.

Dhe sot, në 2021, askush nuk ka argument që kjo marrëveshje nuk ekziston dhe nuk po funsksionon në mënyrë perfekte.

Le të rendisim faktet dhe ti analizojmë

Në vitin 2017 u bë marrëveshje për zgjedhje të qeta, ndërkohë që opozita ishte në çadër.

Në 2021 sërish u bë marrëveshje për Kodin Zgjedhor, dhe sërish pati zgjedhje të qeta.

Të dyja kanë qënë perfekte ditën e zgjedhjeve.

Në të dyja rastet Rama ka fituar me të njëjtin rezultat, kurse Basha në zgjedhjet e fundit ka shtuar vetëm votat që në 2017 ikën te LSI.

Marrëveshja i ka siguruar Ramës pushtetin, ndërsa Bashës karrigen e kryetarit të PD-së.

Marrëveshja siguroi një proces, numërim dhe rezultat të shpejtë dhe fakti është se është firmosur një humbje e zgjedhjeve në çdo qendër votimi, në çdo grup numërimi, në çdo KZAZ, dhe proçeset e anikimimeve të Bashës kanë qënë thjeshtë formalitet.

Në të dy rastet Basha, pasi ka humbur ka bërë sikur nuk i ka njohur zgjedhjet, në të dy rastet ka shkuar në parlament dhe ka marrë mandatet.

Në të dy rastet ka thënë se tani fillon lufta.

Edhe katërvjecarin e parë edhe të dytin, ndoshta dhe të tretin bizneset e familjes së Bashës vetëm shtohen.

Lulzim Basha është ndoshta i vetmi kryetar opozite në botë që me pushtetin e tjetrit pasurohet, thuajse si të jetë në qeveri.

Në 2017 sulmohen partitë e vogla, edhe Rama edhe Luli me tepsinë, “shushunjat” apo dhe “LSI-në e maskarenjve”.

Në 2021 zhduk identitetin e partive të vogla me ndryshimet në Kodin Zgjedhor, që kishte konsesnusin e plotë të Lulzim Bashës.  

Partitë e vogla tashmë janë thuajse të fshira.

Të fundit dhe më të rëndësishmit, janë “vrasja” e Ilir Metës dhe Sali Berishës.

Në 2017, fushatën Basha e bëri kundër Metës. Në 2021 nuk ka thënë asnjë fjalë në mbrojtje të presidentit, tashmë të shkarkuar nga Parlamenti. Përkundrazi gjatë kohës që ai shkarkohej në Kuvend zgjodhi të bënte zgjedhje të shpejta një parti, të kapte karrigen dhe më pas të bënte një gjoja analizë. Që në fakt do të duhej të kishte ndodhur krejt e kundërta.

LEXO EDHE:  Meta takim me Shefin e Zyrës së Këshillit të Evropës në Tiranë, Claus Neukirch

Ndoshta Meta e ka kuptuar me vonesë, por Basha e ka shitur te Rama. Dhe ky është fakt, pasi djegia e mandateve jo vetëm e nxori në pritë Metën por edhe ekzekutoi atë politikisht.

“Vrasja” e Ilir Metës e ka emrin Lulzim Basha, pasi nëse nuk do digjte mandatet as ai as LSI, Rama kurrësesi nuk do kishte mazhorancë kushtetuese për të shkarkuar presidentin.

Totalisht pjesë e marrëveshjes së 2017. Këtë tashmë nuk e mohon dot as Ilir Meta apo asnjë aktor politik, analist, gazetar apo kushdo qoftë.

“Vrasja” e Sali Berishës

Në 2017, Luli thoshte se nuk e linte doktori të bënte marrëveshje. Dy vite më vonë, çdo akt politik ia faturoi Berishës, duke e ekspozuar atë te ndërkombëtarët.

Më pas, në mënyrë të rrufeshme në bashkëpunim me Ramën, e “vranë” politikishit, dhe erdhi vendimi i Departamentit Amerikan të Shtetit, ku Berisha shpallej non-grata.

Berisha “trazon ujërat” në PD/ Anëtari i Këshillit Kombëtar paralajmëron surprizaTë gjithë janë të bindur se kjo nuk do kishte ardhur pa një OK, të Lulzim Bashës.

Pra, marrëveshja fillon me pasurimin e familjes, me 16 milionë eurot që mori për pallatin e vjehrrit, të ndërtuar në rërën e detit Jon, në Vlorë. Me pas vazhdon bashkëqeverisja në dy forma, një herë me ministra e një herë pa ministri.

Për të shkuar më tej tek kauzat e tradhëtuara, që nga Rruga e Kombit, Teatri, e gjithçka tjetër.

Të mos harrojmë dhe inceneratorët, për të cilët Lulzim Basha foli disa ditë dhe më pas tufat me para i mbyllin gojën.

Nuk ka nevojë Basha të jetë në qeveri, milionat i merr duke qënë në krye të PD.

“Vrasja” e Metës dhe ekspozimi i Berishës deri tek vendimi i DASH, “vrasja” e partive të vogla dhe qindra fakte dhe argumente të tjera, tregojnë se Lulzim Basha nga 2017 nuk i shërben PD-së dhe opozitës, por interesave të tij klienteliste, pazareve me Ramën.

Dhe me paratë që fiton nga marrëveshja me Ramën, mban drejtimin e PD, shet dhe blen mandate deputetësh, që i përdor për interesat e tij personale.

Marreveshja ekziston dhe skema tashmë është e qartë.

Kush ka dyshime, teatrin do e shohim në shtator. Dhe për çdo “zjarr” mbi Edi Ramën, do shkojë “zjarrfikësi” Lulzim Basha, si shpëtimi i tij./CNA.al

PD-së i mungon Gandi/ Luli “zjarrfikësi” i urrejtjes popullore

Të gjitha “fitoret” e Lulzim Bashës me Edi Ramën

Shifra dhe fakte/ Pesë fitoret e Lulzim Bashës që të lenë pa fjalë

Berisha kundër Bashës/ Mesazhi i koduar i ish-kryeministrit

Heshtje në PD/ Basha braktis Metën

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Fatura që duhet paguar ndaj Becchetit/ Ish avokatja e shtetit: Fitore për qeverinë që është vetëm një

Publikuar

-

Nga

Fatura që qytetarët shqiptarët duhet ti paguajnë biznesmenit italian Francesco Becchetti, pasi u shpall fitues në Arbitrazh, ishte tema e diskutimit mbrëmjën e sotme në emisionin ‘Log’

Ish avokatja e shtetit e viteve 2010-2013, Ledina Mandija është shprehur se kjo është një çështje e ndërlikuar dhe se deri diku qeveria e ka cilësuar fitore gjyqin me sipërmarrësin pasi nga paditë e bëra ai pretendonte të merrte 1,2 miliardë euro.

“Ka ngritur dy padi dhe një nga ato që është në arbritrazhin e investimeve është pendig, ndërsa tjetra ka kaluar në pezullim. Nëse do të ishte e kujdesshme qeveria çështja dhe situata do të ishte ndryshe. Familjarët Beccheti kishin përqindje të konsiderueshme në televizion që është dhe çështja kryesore.

Beccheti ka filluar me ekzekutimin e vendimit kohë më parë ndërkohë që kishim një veprim të arbritrazhit, ka pas dhe veprime të tij ndaj shtetit shqiptar që gjithashtu shteti i është kundërpërgjigjur. Këtë vit është dhe kërkesa e anulimit të vendimit nga arbritrazhi, duke berë që tashmë vendimi duhet të pranohet nga qeveria.  Nga proceduarat që janë ndjekur dhe nga vendet e tjera të botës ta marrim në total të gjithë këtë kosto shifra shkon deri në 120 milionë euro.

Kur Becchetit fitoi gjyqin ai deklaroi fitoren para publikimit zyrtar dhe pse akoma nuk kemi një vendim të publikuar të arbitrazhit pasi pala shqiptare nuk ka rënë dakord për ta bërë një gjë të tillë. Nga paditë që ai ka mund të pretendonte të merrte 1.2 miliardë euro dhe mund të quhet fitore nga qeveria që është vetëm një faturë për tu paguar . Që në 2015 ka filluar beteja ligjore me Becchetit, është e rëndësishme që të bëhet një analizë mbi studiot shqiptare që kanë fituar. Në të gjithë këtë betejë qoftë dhe me lidhjet penale duhet të ishin të kujdesshëm dhe të punohej në grup”, ka thënë ajo.

LEXO TE PLOTE

Politikë

Raporti final i OSBE për zgjedhjet e 25 prillit/ Balla: Shqipëria merr raportin më të mirë në këto 30 vite

Publikuar

-

Nga

Raporti final i OSBE/ODIHR për Zgjedhjet e 25 Prillit/ Balla: Shqipëria merr raportin më të mirë në këto 30 vite

Sekretari i Përgjithshëm i Partisë Socialiste Taulant Balla ka reaguar pas publikimit të raportit final të OSBE/ODIHR për zgjedhjet e 25 prillit.

Balla deklaron se OSBE/ODIHR konfirmoi se zgjedhjet e 25 prillit ishin shprehje kuptimplotë e demokracisë dhe e respektimit të lirisë së zgjedhësve.

Sipas Ballës, Shqipëria merr raportin më të mirë për zgjedhjet në këto 30 vite dhe kjo është një meritë e madhe, mbi të gjithë, e qytetarëve shqiptarë, të cilët ushtruan në shumicë të drejtën e tyre të votës.

Postimi i plote i Taulant Ballës:

LEXO EDHE:  Shembja e Teatrit/ Yuri Kim “zbarkon” në zyrën e Ramës

LEXO EDHE:  “Vrasësi” i veshur me Prada

OSBE/ODIHR konfirmon gjetjet e raportit paraprak duke konfirmuar se Zgjedhjet e 25 Prillit ishin shprehje kuptimplotë e demokracisë dhe e respektimit të lirisë së zgjedhësve. Shqipëria merr raportin më të mirë për zgjedhjet në këto 30 vite dhe kjo është një meritë e madhe, mbi të gjithë, e qytetarëve shqiptarë, të cilët ushtruan në shumicë të drejtën e tyre të votës në zgjedhjet parlamentare të 25 Prillit. Përgëzime KQZ për vlerësimin e marrë në këtë Raport.

LEXO TE PLOTE

Politikë

Raporti final i OSBE/ Reagon Basha: Masakër Zgjedhore! Më 25 prill u tjetërsua vullneti i shqiptarëve

Publikuar

-

Nga

Raporti final i OSBE/ Reagon Basha: Masakër Zgjedhore! Më 25 prill u tjetërsua vullneti i shqiptarëve

Kreu i Partisë Demokratike Lulzim Basha ka reaguar për publikimin e raportit final nga OSBE/ODIHR.

Sipas Bashës e gjitha mund të përmblidhet si ”Masakër Zgjedhore”.

Dhe me këtë raport konfirmohet se më 25 prill u tjetërsua vullneti i shqiptarëve dhe ato zgjedhje nuk kishin lidhje me demokracinë dhe zgjedhjet e lira dhe të ndershme.

STATUSI NGA LULZIM BASHA

Raporti përfundimtar i OSBE/ODIHR konfirmon se me 25 prill u tjetërsua vullneti i shqiptarëve.

Këto janë disa nga konkluzionet e raportit përfundimtar të OSBE/ODIHR mbi 25 prillin:

– Blerja masive e votave.

– Presioni ndaj votuesve.

– Shkrirja në një e partisë në pushtet me shtetin.

– Keqpërdorimi i aseteve publike në avantazh të partisë në pushtet.

– Abuzimi me pushtetin dhe funksionet publike.

– Rritje e punësimit në administratën publike me qëllime elektorale.

LEXO EDHE:  Rama-Berisha/ Batuta me “rapsodë” e “xhemalë”

LEXO EDHE:  Meta takim me Shefin e Zyrës së Këshillit të Evropës në Tiranë, Claus Neukirch

– Presion mbi administratën publike për të votuar partinë në pushtet.

– Përdorimi i fondeve të rindërtimit për të orientuar votën.

– Legalizime në këmbim të votës.

– Vjedhja e të dhënave private dhe personale të shqiptarëve nga partia në pushtet dhe ngritja e sistemit kriminal të patronazhistëve duke ushtruar përmes këtij sistemi presione dhe shantazhe ndaj qytetarëve.

– Përdorimi i grupeve kriminale për të ushtruar presion ndaj zgjedhësve.

– Ndryshimet kushtetuese të njëanshme, në kundërshtim me rekomandimet e Komisionit të Venecias.

E përmbledhur me dy fjalë: MASAKËR ZGJEDHORE!

Raporti konfirmon atë që të gjithë shqiptarët e dinë tashmë: 25 prilli nuk kishte lidhje me demokracinë dhe zgjedhjet e lira e të ndershme.

 

LEXO TE PLOTE