LEXO PA REKLAMA!

SHKARKO APP

App Store
Google Play

Kryebashkiaku i dënuar në Greqi/ Braçe i del në mbrojtje: Vëreni veten në lëkurën e tij

17 Qershor 2021, 07:48, Politikë CNA
Kryebashkiaku i dënuar në Greqi/ Braçe i del në mbrojtje:

Zv.kryeministri Erion Braçe i ka dalë në mbrojtje kryebashkiakut socialist të Mallakastrës,  Qerim Ismailaj, i cili sipas hetimeve të Prokurorisë rezulton se ka qenë i dënuar në Greqi.

Në një postim në rrjetet sociale, Erion Braçe, i del në krah Ismailajt, duke thënë se në Greqi është dënuar se ka kërkuar rrogën e tij tek pronari grek.

Braçe thotë se Ismailaj është dënuar pa qenë në dijeni, ndërsa shton se ai ka qenë punëtor krahu në Greqi dhe vetëm ka kërkuar rrogën me forcë.

?Tani vëreni veten në lëkurën e një punëtori në ndërtim në Greqi që rropatet dhe i mohojnë rrogën, merrni fryme dy herë e kujtoni edhe familjarë tuaj që e kanë bërë e vuajtur këtë hall atje poshtë, në ishuj!? shkruan Braçe.

Kujtojmë këtu se hetimi për Ismailaj erdhi pas akuzave të bërë nga Partia Demokratike, ku më pas KQZ i kërkoi Prokurorisë që të verifikonte nëse ai ishte i dënuar. Pas kryerjes së hetimeve Ismailja rezultoi se ka gënjyer në formularin e dekriminalizimit./CNA.al

Lajmet e fundit nga