web counter
LEXO PA REKLAMA!

SHKARKO APP

App Store
Google Play

Incidenti në Elbasan mes simpatizantëve PS-PD/ Balla: Nuk shkohet në festë me flamuj partie

30 Mars 2021, 20:01, Politikë CNA

Sekretari i përgjithshëm i Partisë Socialiste, Taulant Balla, u pyet nga gazetarja Ilva Tare nëse është koha e duhur për të rregulluar mënyrën e komunikimit nisur dhe nga incidenti i cili ndodhi në 14 mars në Elbasan.

Balla tha në ?Ilva Now? se ai nuk fyente asnjë por ajo që ka qenë fyerje lidhej me vizitën e Lulzim Bashës në Elbasan ditën e festës pagane, kur në atë ditë të gëzuar sipas tij nuk ka pasur vend për flamuj partie.

?Për Elbasanin, Dita e Verës është dasmë dhe unë nuk di të shkohet në dasmë me flamuj partie por apeli im ndaj gjithë strukturës së Partisë Socialiste në Elbasan, gjithmonë mbetet: Ju lutem, mos bini pre e provokimeve! Duhet të shkojmë deri në 25 prill me një klimë shumë normale, të qetë, me një betejë shumë normale idesh dhe programesh,? ? u shpreh Balla.

Kandidati për deputet në Elbasan tha se denoncimi i PD-së se personat që nisën incidentin në Ditën e Verës në Elbasan, nuk qëndron dhe se ata eksponentë nuk kanë asnjë lidhje me Partinë Socialiste.

Ndërkaq sa i takon arrestimeve të grupit Çapja që kanë ndodhur në dy ditët e fundit, Balla zgjodhi të mos jepte një opinion ama përgjegjësinë për të dhënë një koment ja delegoi kreut të Partisë Demokratike, Lulzim Bashës.

?Pyesni Lulzim Bashën sepse ai është i vetmi njeri i dokumentuar që kur ka qenë deputet në Elbasan ka liruar banda në këmbim të votës. Ajo që unë dua të them është që në fakt, vetëm gjatë qeverisjes së Partisë Socialiste ?të fortët? e Elbasanit janë vendosur para drejtësisë,? ? përfundoi sekretari i përgjithshëm i PS-së./euronews





Lajmet e fundit nga