LEXO PA REKLAMA!

SHKARKO APP

App Store
Google Play

E fundit!

x

Denoncon Kryemadhi/ Rama ka shantazhuar qytetarët për vaksinën

30 Mars 2021, 20:18, Politikë CNA
Denoncon Kryemadhi/ Rama ka shantazhuar qytetarët për vaksinën

Kryetarja e LSI-së, Monika Kryemadhi, ka ngritur akuza të forta ndaj kryeministrit Edi Rama, teksa ka qenë duke folur për zgjedhjet e 25 prillit dhe deklaratat e kreut të qeverisë nga Lezha për çështjen e vaksinës.

Kryemadhi ngriti akuzat se kryeministri po shantazhon qytetarët, ndërsa pretendon se nëse do të kishte sistem drejtësie do të shkarkohej për shpërdorim detyre dhe do të arrestohej.

Sipas saj, pas 25 prillit drejtësia do të veprojë ndaj Edi Ramës dhe të gjithë zyrtarëve të tij që kanë abuzuar.

?Ky njeri përveç se ka shpërdorimin e detyrës, por ushtron shantazh, intimidon, presionin dhe përveç se shantazhit ky kërcënon qytetarët me vaksinën. Është njëlloj si ligji për agjitacion e propagandë, i cili thoshte se nëse bën agjitacion e propagandë kundër partisë në pushtet, dënoheshe nga me burg deri në varje.

Ky thotë nëse ju nuk votoni PS unë do të ju lë të vdisni nga Covid. Sepse deri sot ky ka fshehur 9 mijë vdekje dhe asnjë institucion nuk merret me 9 mijë vdekjet që ka fshehur Ministria e Shëndetësisë me në krye infermierin Edi Rama.

Më pas vazhdojmë me gjithë procesion e pandemisë. A ju kujtohet procesi i Vlorës që 70 ditë ishte në morg dhe nuk i tregohej dhe nuk jepej familjes trupi. Në këtë rast, zotëria ka kërcënuar me jetë qytetarët shqiptarë. Përveç shpërdorimit të detyrës, këtu hyn edhe kërcënimi me vdekje sepse ky zotëria kërcënon me vdekje qytetarët shqiptarë.

Kush është ky që kërcënon se nëse nuk më votoni mua, unë nuk do të ju bëj vaksinën. Në çdo vend të botës do t?i kishin vënë prangat. Sepse një njeri o është i metë nga trutë e kokës ose është kriminel. Prokuroria do t?i ketë duart e lira pas 25 prillit. Mos pretendoni se prokurorët e Ulsi Manjas të veprojnë. Pas 25 prillit, ata do të thonë se nuk na ka lënë Edi Rama?, theksoi kryetarja e LSI-së./ CNA.al

Lajmet e fundit nga