LEXO PA REKLAMA!

SHKARKO APP

Pas 9 vajzave u bekuan me një djalë/ Historia e pazakontë e çiftit që i befasoi të gjithë

14 Shkurt 2021, 15:53, Lifestyle CNA
Pas 9 vajzave u bekuan me një djalë/ Historia e pazakontë e

Pasditen e sotme tek rubrika ?Ka një mesazh për ty?, tri motrat Aga, Vasilika dhe Maria rrëfyen historinë e prindërve të tyre.

Ato treguan se nëna e tyre ka sjellë në jetë 9 vajza dhe një djalë. Kur nëna e tyre solli në jetë vajzën e gjashtë prindërit e saj shkuan tek shtëpia e dhëndrit i thanë që ne do marrim vajzën tonë dhe do të të gjejmë një nuse tjetër që të lindësh djalë, sepse tradita e veriorëve dikur ishte që duhet lindur patjetër një djalë. Babai i vajzave nuk pranoi dhe i përzuri nga shtëpia sepse ai ishte i lumtur që i kishte vajzat.

“Babai jonë është i vuajtur, në moshën 11-vjeçare mbeti jetimi iu vra babai dhe xhaxhai. Familjen ia internuan në Tepelenë. Ka vuajtur shumë gjatë internimit në moshën më të mirë të adoleshencës, e rinisë. Në moshën 27 vjeçare babai u martua me një vajzë 18 vjeç nga Fani i Mirditës  me një familje të njohur. Krijoi familjen e vetë, erdhi në jetë motra e madhe. Më pas po vinin në jetë vetëm vajza dhe babi lumturohej shumë kur i lindnin vajzat dhe mezi i priste lindjet e vajzave. Unë jam vajza e 6 dhe kur erdha në jetë erdhi gjithë fisi i mamit, ata nuk kishin ardhur të shihnin vetëm mamin, kishin dhe plane të tjera. Që të martonin babin prapë se po bënte vetëm vajza.

Ne kemi vendosur vetë se vajza jonë po të bën vetëm vajza dhe tradita e Mirditës ishte sikur e donim një djalë. I thonë që ne do të të martojmë prapë, do të të gjejmë një nuse dhe vajzën tonë do ta marrim. Nuk ta lemë vajzën tonë e marrim dhe të gjejmë një tjetër që ty të të bëjë një djalë. Babi heshti, nuk fliste fare, i bëri një drekë dhe në fund dhe i tha çohuni dilni përjashta, i përzuri e i tha kjo është gruaja ime dhe këto janë 6 djemtë e mi. Babi na donte shumë dhe për vajzat gëzoheshe shumë. Mami ishte ajo që e kërkonte më shumë një çun. Erdhën dhe tre motra të tjera pas meje se unë jam e 6-a, këto motrat që kam këtu. Mami nuk dorëzoheshe derisa të lindte një djalë. Mami ishte shumë besimtare në Kishë edhe babi gjithashtu”, treguan motrat./ CNA.al

Lajmet e fundit nga