web counter
LEXO PA REKLAMA!

SHKARKO APP

App Store
Google Play

E fundit!

x

“Qeveria është mbështetur në propagandë”/ Meta: Situata e Covid kërkon profesionalizëm

10 Shkurt 2021, 20:12, Politikë CNA

Presidenti Ilir Meta ka qenë i ashpër sa i takon situatës së Covid në Shqipëri, duke akuzuar qeverinë si përgjegjësen kryesore të rasteve pozitive dhe viktimave, të cilat përgjatë këtyre ditëve të shkurtit kanë arritur majat.

Gjatë një interviste për ?RTSH Korça?, Meta u shpreh se qeveria duhet të zbatonte një menaxhim sa më profesional dhe ta konsideronte pandeminë si çështjen primare.

?Duhet të ishte bërë shumë më tepër për të mos patur një menaxhim të improvizuar, kaotik, me ndryshime vendimesh sipas konjukturave apo momenteve të caktuara.

Duhet të kishim pasur një menaxhim shumë më profesional, por për fat të keq ka pasur mjaft politizim nga ana e Qeverisë, e cila nuk e ka konsideruar këtë çështje si prioritet të parë dhe më të rëndësishëm, ndonëse shëndeti dhe jeta e qytetarit janë gjëja më e çmuar dhe më e shtrenjtë për çdo shoqëri dhe për çdo shtet demokratik?, tha Meta.

Presidenti shton më tej se neglizhenca e situatës ka ardhur si pasojë e një politike e cila është e mbështetur në propagandë dhe jo profesionalizëm.

?Është një politikë e mbështetur në propagandë dhe jo në profesionalizëm e në përgjegjshmëri, në Kushtetutë e në ligj, pasi në qoftë se do të kthehemi një vit para, kur situata u bë dramatike në Itali dhe u shfaqën rastet e para në vendin tonë, unë bëra të gjitha përpjekjet, mblodha disa herë Këshillin e Sigurisë Kombëtare duke përfshirë edhe udhëheqësit e opozitës pikërisht për të krijuar një klimë konsensusi dhe bashkëpunimi dhe për të qetësuar qytetarët, për të mos rënë në panik dhe për të evituar  çdo lloj revolte të tyre ndaj masave kufizuese që mund të merreshin?, tha Meta.

Ndërsa duke iu referuar procesit të vaksinimit, Meta u shpreh se transparenca është siguri për qytetarët, duke theksuar se parametrat e intubimit në vendin tonë janë të frikshme, pasi nuk ka një investim modest dhe pajisje jetëshpëtuese.

?Është tepër e rëndësishme dhe imediate, përveç një plani transparent vaksinimi, sepse transparenca, është siguri për qytetarin.

Padyshim, prioritet shumë i rëndësishëm është ajo se çfarë po bëjmë sot?  Për ata që janë të infektuar, për ata që janë duke u mjekuar dhe për ata që fatkeqësisht janë të intubuar. Parametrat në vendin tonë të rezultatit të intubimit janë të frikshme, shumë pak raste ka që jeta e tyre shpëton.

Kjo gjë ndodh për shkak të mosinvestimit modest për disa pajisje jetëshpëtuese.

Ne, kemi kaq kohë që i kemi kërkuar dhe ende nuk janë adresuar. Pra ka shumë probleme, të cilat nëse do të kishte një vullnet më të madh dhe serioz do të zgjidheshin.

Kursi alternativ ndaj problemeve konkrete është, që  jepet mburrje pa kufi, dhe vetëlavdërimi pastaj sjellë mungesë totale te realizimit, dhe papërgjegjshmëri ndaj jetës së qytetarëve?, tha Meta./CNA.al





Lajmet e fundit nga