Politikë
“Buzëkuqi” i krimit të Ramës me inceneratorin e Tiranës/ Si do mbulohet hajdutëria dhjetëra milionë euro
Inceneratorët janë një ndër aferat korruptive më skandaloze, për të cilat CNA.al ka bërë një investigim të plotë, në lidhje me emrat dhe kompanitë e përfshira.
Inceneratori i Fierit tashmë është në SPAK. Ai i Elbasanit ende nuk është ndezur dhe ka një debat të fortë në qeveri, si do të procedohet me të.
Problematika të shumta të cilat kërkojnë të mbulohen me propagandë dhe sulme nga partneri mediatik i inceneratorëve por që duket qartë se debatet janë të forta dhe nuk mund të zgjidhen lehtësisht.
CNA.al ka raportuar më parë, se koncesionari kërkon që tashmë inceneratorin që nuk është ndezur, t’ja lejë në derë bashkisë dhe të prodhojë vetë energjinë. Pra pushteti vendor pronar por energjinë ta prodhojë privati. (Lexo këtu)
Por, tani Edi Rama, korrupsionit 400 milionë euro, i vendos “buzëkuqin” në Sharrë.
Çfarë ndodh?
Kompania koncesionare ka marrë kontratë 128 milionë euro. Dhe nëpërmjet një procedure, kryer gjoja për përpunimin e mbetjeve, midis kodrave të Sharrës. Pra që nuk kanë asnjë investim, sepse kodrat janë të gatshme, vendoset një qese poshtë dhe më pas çdo kush që sjell plehrat, duhet të paguajë 30 euro tonin.
Kostoja e firmës, nga momenti që shtrohet qeseja dhe deri në hedhjen e plehrave, është zero. Këto 30 euro për ton, i paguan shteti shqiptar për kompaninë koncesionare.
Më pas duhet vetëm një eskavator që ka një kosto 1.5 euro i cili bën shpërndarjen e këtyre mbetjeve.
Faza tjetër është hedhja e dherave mbi mbetjet.
Çfarë ndodh në këtë rast?
Firma merr nga kompanitë që ndërtojnë në kryeqytet, pra ato që hapin gropat e ndërtimit, etj, 4 euro tonin. Dhe nuk ka shanse që dikush të shkojë t’i hedhë në ndonjë vend tjetër. I ruajnë me drone, iu vërsulet Policia Bashkiake dhe pasi mjetet shkojnë në Sharrë, dheu shpërndahet nga eskavatori siç e përmendëm më lart, për të mbuluar mbetjet, e kështu me radhë.
Por, fakti tjetër është se për të marrë dhe për mbushjet, të njëjtat firma që paguajnë 4 euro, duhet të paguajnë deri në 7 euro për të.
Një proces që vetëm i jep para koncesionarit, dhe koston e ka minimale. Thuajse qesharake.
Nga ana tjetër, këtij koncesioni 128 milionë euro, që ka kosto të tjera të fshehura, që shkojnë qindra milionë euro, i vendoset “buzëkuqi”.
Duke mbuluar në fund gropat e mbetjeve midis kodrave të Sharrës, mbillen pemë, mbillet bar, vendosen edhe disa liqene të vogla. Do lëshojë aty edhe disa rosa e pata dhe Edi Rama do ta shesë atë si një fitore e madhe dhe revolucion i madh bërë mbi mjedisin.
Zhdukja e plehrave dhe marrja e tyre nëpër Shqipëri, ishte një hap i domosdoshëm dhe një prioritet i padiskutueshëm ndoshta. Por, mënyra e përdorur, dhe kostot janë kriminale.
Ka një abuzim kolosal, me qindra milionë euro, të cilit në fund i vihet një “buzëkuq”, dhe poshtë janë varrosur milionat e eurove që paguan shteti për përpunimin e mbetjeve, të cilat në fakt vendosen mes kodrave të ndërtuara nga dora e Zotit në Tiranë, më pas me paratë që paguajnë firmat e ndërtimit hidhet edhe dheu dhe pagesa kryhet ca nga shteti, ca nga biznesi privat.
Kostot e koncesionarit janë një hiç me ata eskavatorët që shpërndajnë dheun apo me atë çesen që vënë poshtë për të mos kulluar ujërat e këqia.
Dhe mbi të gjitha si gjithmonë fasada e Rilindjes sjell lule dhe një liqen të vogël, me disa rosa aty që do na i tregojnë si një fitore mbi mbetjet urbane, kur në fakt kjo fitore ka kushtuar qindra milionë euro të paguara nga taksat e shqiptarëve dhe nga paratë e biznesit. 
Ky koncesion, në mënyrë të drejtpërdrejtë ka ndikuar jo vetëm në çështjen e marrjes së parave me thasë nga shtetit shqiptar, por edhe në rritjen e kostos së qytetarëve, për taksat që ata paguajnë, rritja e kostos në ndërtim dhe të tjera si këto.
Por, qershia mbi tortë e gjithçkaje është “buzëkuqi” që i vendosin një abuzimi me qindra milionë euro, me disa pemë dhe disa gropa uji, që tashmë duan ti shesin si revolucion në trajtimin e mbetjeve, ku në fakt duhet thënë se janë të gjitha dyshimet, të gjitha akuzat dhe të gjitha investigimet që kanë treguar se ky koncesion i përpunimit të mbetjeve, me formulën e inceneratorëve, është një skemë korruptive, thuasje mafioze midis qeverisë dhe klientëve të saj, që janë në Tiranë, janë në politikë, janë sot pjesë e skemave që gëlltisin paratë e taksapaguesve shqiptarë./ CNA.al
Koncesioni 128 milion euro/ Plas skandali në Shqipëri, kompania ndryshon emër në Hollandë
Koncesioni 128 milionë euro/ Zbulohen kompanitë në Hollandë me drejtorë Rusë
Thellohet skandali me koncesionin 128 milion euro/ Zbulohen të tjera dokumente
Inceneratori i Elbasanit/ Përplasje të forta për kalimin në pronësi të bashkisë
Politika pas plehrave/ Kush është biznesmeni në hije i monopolit të inceneratorëve
Afera e inceneratorëve/ SPAK vë nën hetim zyrtarë e përfitues të koncesioneve
Skema korruptive e koncesionit të inceneratorit të Elbasanit/ Si u gllabëruan miliona euro
Inceneratori i Elbasanit/ Përplasje të forta për kalimin në pronësi të bashkisë
Inceneratoret marrin 47 mln euro financime nga buxheti, 14 mln shkojnë për Tiranën
Kush është Mirel Mërtiri, njeriu i inceneratorëve, ortaku i Ben Blushit, i dënuar nga gjykatat
Skandali/ Zbulohet skema e plotë, si pronarët e inceneratorëve paguan aksionerët e Top Channel
Politikë
Mbrohet nga UNESCO/ Projekte për turizmin në Gjirokastër
Në Gjirokastër, një qytet që mbrohet nga UNESCO, tre projekte të mëdha në vlerën e mbi 10 milionë dollarëve pritet të ndihmojnë sektorin turistik. Projektet në infrastrukturë mbështeten nga qeveria shqiptare ,Banka Botërore dhe Fondi Amerikan i Zhvillimit. Kryetari i Bashkisë së Gjirokastrës Flamur Golemi thotë se dy nga investimet më të rëndësishme janë rivlerësimin sheshit të Qendrës Historike mendërtimin e një parkingu nëntokësor dhe ndërtimi i një nyjeje të re rrugore që lidh zonën esipërme historike të qytetit me pjesën urbane.
“Gjirokastra është një qytet turistik ,është një qytet që e duan të huajt, e duan shqiptarët ,është një pasuri mbarëbotërore. Ne kemi filluar me proejktin e ri “Shehsi Cerciit”. Është një shesh që do të rikoncpetohet duke mos prekur elementët urbanë egzistues. Do kthehet në një vend pushimi për gjithë turistët dhe një vend parkimi”.
Në 2019 Qendra Historike kishte mbi 120 mijë turistë duke krijuar probleme për shërbimet ndaj tyre dhe 300 vendet e reja tëparkimit që krijohen thotë zoti Golemi janë një lehtësim i madh. Zoti Golemi thotë se Fondacioni Shqiptaro Amerikan i Zhvillimitdhe Fondi shqiptar i Zhvillimit kanë mbështetur projektin e rivlerësimit të sheshit ndërsa nyja e re rrugore financohet nga qeveria shqiptare.
“Tashmë jemi gati në fillimin e punimeve dhe besoj brenda fundit të vitit të kemi gati sheshin e ri”, tha zoti Golemi
Qeveria shqiptare u tërhoq së fundi nga projekti i mëparshëm i ndërtimit të një nyje të re rrugore në Qendrën Historike të Gjirokastrës, i cili kishte mbetur pezull prej gati pesë vitesh, prej reagimeve të forta në mbrojtje të trashëgimisë kulturore. Projekti prekte lagjen më të vjetër të qytetit ndërsa nyja e re rrugore siguronlidhjen e lagjeve të sipërme me rrugën hyrësetë qytetit duke mos cënuar pjesën muzeale që mbrohet nga UNESCO. Bashkia e Gjirokastrës pritet të japë lejen ndërtimore pas shprehejs së mendimit nga Unesco për projektin ndëkrohë që financimi është siguruar nga qeveria shqiptare.
Zoti Golemi thotë më tej se një projekt tjetër i financuar nga Banka Botërore po mbështet fuqizimin e muzeve të Gjirokastrër ku përfshihen itinerare të reja dhe shtëpia muze e shkrimtarit të shquar shqiptar Ismail Kadare.
“Një projekt i financua nga Banka Botëroe përmes Fondit shqiptar të Zhvillimit konsiston në restaurimin dhe muzealizimin e Muzeut Etnografik , kthimit të shtëpisë “Kadare” në Muzeu “Isamil Kadare”. Ndërkohë projekti përfshin restaurimin dhe interpretimin e shtegut turistik “Kronikë në Gur”, që ne e njohim si “Sokaku i të marrëve” dhe restaurimi i shtegut “Eduart Lear”.
Kryetari i Bashkisë së Gjirokastrës thotë se prrojektet pritet të ndihmojnë edhe në ekonominë e qytetit dhe në punësimin, të goditur rëndë nga pandemia gjatë vitit 2020.
Gjirokastra u pranua 15 vite më parë në Listën e Pasurive Botërore dhe vitet e fundit turizmi shihet si një shpresë për ekonominë e qytetit. Restaurimi i Pazarit historik dhe një seri investimesh të sipërmarrjeve private, sidomos në fushën e hotelerisë, prite të mbështeten nga investimet më të fundit, për të forcuar ofertën turistike./ VOA
Politikë
Alfre Cako ngre dyshimet/ Rama nuk bëri vaksinën, s’është budalla
Disa ditë më parë kryeministri Edi Rama hapi fushatën e vaksinimit kundër Covid-19 dhe bëri edhe vetë vaksinën.
Por konspiracionisti i njohur Alfred Cako, ka ngritur dyshime të forta për vaksinimin, pasi ai pretendon se Rama nuk bëri vaksinë atë ditë.
Ai tha në Top Channel se Rama nuk është budalla dhe sipas tij, ajo që ka injektuar mund të ketë qenë ndonjë serum.
“Rama u përpoq të rrëzonte idetë tonë që shkëlqejnë si drita e diellit prej të vërtetës. Rama është përfaqësues i të vjetrës. Ke parë administraatët e Trumpit të dalë dhe të mburret me vaksinat. Jo. Kryeministri e di shumë mirë, nuk i bëson ato që thotë, nuk është budalla. Edhe ujë me sheqer që mund të ketë bërë.Dyshoj shumë që këta nuk kanë bërë vaksinës. Sidomos Rama, mund të ketë marrë ndonjë serum”, u shpreh Cako./ CNA.al
Politikë
E sulmoi për dokumentarin/ Marin Mema thumbon Malon: S’ju identifikoja për deputete, tani ju njoha
Deputetja socialiste e qarkut Gjirokastër, Artemis Malo sulmoi ashpër gazetarin Marin Mema për dokumentarin për Dropullin, për të cilin faktonte me dokumenta se në këtë fshat jetojnë familje me mbiemrin Gjini, Gjoni, Nika, Bardhi, etj.
Ajo e paralajmëronte se nuk do t’i shpëtonte përgjegjësisë ligjore, ndërsa thonte se ekrani do të ishte më mirë pa të.
Pas kësaj deklarate ka ardhur edhe reagimi i gazetarit, i cili shprehet se nuk i pëlqen t’i kushtojë rëndësi atyre që shesin dëngla pa lexuar e pa ditur, por i tërhoqi vëmendjen hartimi i deputetes.
Mema e pyet Malon se çfarë qëllimi fshihet pas këtij shpërthimi të saj, ndërsa thekson se e vërteta nuk mbulohet me “like” politike.
“Hartimi i shkruar dhe i përgatitur keq si një poezi patetike e klasës së pestë nuk merret me faktet, por me mua personalisht. Ti tregon ujkun, por zonja deputete merret me gjurmët. Ti tregon dokumentat, por zonja deputete nuk i përmend fare. Ti i mëshon bashkëjetesës, por zonja deputete bën sikur nuk e dëgjon. Ti i mëshon mikëpritjes dhe zemrës së mirë të asaj zone, por zonja deputete e anashkalon. Pse o zonjë deputete ? Cfarë të frikson nga ato dokumente ? Nuk ju pëlqejnë ? Nuk ju pëlqeu mesazhi se ne jemi e do të jemi bashkë siç kemi qenë gjithmonë ?
Cfarë interesi fshihni ju si deputete e asaj zone ? Përse në hartimin tuaj të klasës së pestë nuk përmendni edhe historianët e nderuar që folën në dokumentar ? Janë të dy doktorë profesorë dhe jo si shumë prej jush që gradat ju vlejnë sa një sufllaqe… Pse merreni me mua personalisht dhe jo më të dhënat ? Pse nuk ju pëlqen fakti që në Dropull jetojnë familje me mbiemrin Gjini, Gjoni, Nika, Bardhi, Progoni etj etj… Ku është e keqja ? Pse duhet patur frikë për ta thënë diçka të tillë ? Urdhëroni e hidhini shkencërisht poshtë këto fakte dhe lërini hartimet… Faktet janë fakte ! Unë kam sjellë thjesht faktet. I hidhni dot poshtë ? Sigurisht që jo !!
E nderuar deputete unë nuk kam kohë për hartime. Nuk i bëj fresk askujt përveç vendit tim, nuk e shes vendin tim dhe as interesat e tij. Po ju zonjë si do të paraqiteni “nesër” balltazi qytetarëve të Gjirokastrës , Libohovës, Nepravishtës e Lazaratit, Tepelenës e Memaliajt, Përmetit madje edhe Dropullit, ballë të gjithë shqiptarëve të ndershëm në ato zona ? Si do të paraqiteni me hartime të tilla e mbi të gjitha mendime antishqiptare ? Si do tu thoni se keni sulmuar një gazetar që nuk bëri asgjë më shumë se të thotë të vërtetën. Thjesht të vërtetën zonjë. .Thjesht të vërtetën. E vërteta nuk mbulohet me “like” politike ju siguroj. ‘Like’ politike janë të rreme”, shkruan ai.
Më tej, gazetari thumbon Malon, teksa i thotë se deklarata e saj e bëri që ta njihte si deputete, pasi nënvizon se mandatin nuk e ka përdorur kurrë për hallet e zonës në foltoren e Kuvendit.
“Ju personalisht nuk keni kuptuar asgjë nga ky dokumentar, mesazhi i të cilit ishte se ne jemi e do të jemi bashkë, në një udhë të përbashkët, me probleme e halle të njëjta dhe sigurisht nuk Ju lejoj ta keqpërdoni këtë mesazh. Janë fakte që bashkojnë zonjë, jo fakte që ndajnë. Kështu nuk i shërbeni askujt përveçse kultivoni ndasinë.
Nëse nuk e keni kuptuar. Atëherë rishikojeni. Urrejtja ju ka zënë arsyetimin. Ky dokumentar ishte në respeskt të banorëve të asaj zone që ju po përpiqeni ta përçani për arsye politike.
Ndoshta më e mira do të kishtë qenë të heshtnit e të mos përpiqeshin më këtë hartim patetik të tërhiqnit vëmendje për të kapur 7 vota më shumë.. Jo për gjë, por ato 7 vota që po kërkoni ti fitoni te ndonjë ekstremist a antishqiptar, JU personalisht do ti humbni të shumëfishuara tek shqiptarët e vërtetë ata që kombin nuk e kanë parti dhe as ngjyra interesash. Mua nuk më intereson aspak partia juaj zonjë dhe as partitë kundërshtare tuajat, mua më intereson e vërteta e kombit tim. Kaq dhe asgjë më shumë. Më intereson ta bëj punën time me korrektësi e vërtetësi pa u shitur e blerë, pa u përdorur si leckë nga askush.
Nëse nuk keni parë kurrë investigime ju ftoj ta bëni më shpesh sepse ka mjaftueshëm në mediat ndërkombëtare. Bëjeni se do kuptoni sa marrëzi keni shkruar. E vërteta ndihmon, afron, ngre ura të forta bashkëjetese dhe nuk lejon që urrejtja e mbjellë nga ekstremistë si JU të cënojë të ardhmen e përbashkët. Mos mbillni urrejtje zonja deputete sepse deformimi pikërisht këtë bën. Kushtojuni më shumë vëmendje zonës tuaj dhe halleve të banorëve të saj.
PS : Mgjth diçka e arritët… Më bëtë t’ju njihja sepse nuk ju identifikoja për deputete. Ndoshta sepse mandatin e deputetit nuk e keni përdorur kurrë për hallet e zones në foltoren e kuvendit. Tani ju njoha. Suksese zonja e hartimeve”, përfundon Mema./ CNA.al
Lajme të Rekomanduara:
Video-Basha kapet mat/ Si gënjeu hapur në emision
Kryetari i PD, Lulzim Basha ka dalë sërish bllof me gënjeshtrat e tij që tashmë jemi mësuar t’i dëgjojmë shpesh në daljet televizive. Dy ditë...
Horror në Presidencë/ Ilir Meta kërcënon dhe intimidon verbalisht Silva Cakën
Largimi i emrave me peshë nga LSI që i janë bashkuar PS kanë sjellë panik për degradimin e partisë së Ilir Metës. Gazetari Bledi Mane...
