LEXO PA REKLAMA!

SHKARKO APP

“Pika burrit! Bën si adoleshent?!”/ Mitro Çela rrëfen dialogun me rusen

19 Gusht 2020, 10:08, Satire Politike CNA
“Pika burrit! Bën si adoleshent?!”/ Mitro Çela

Nga Mitro Çela

* DIALOG ME RUSEN

Me Ezmerkën. Xhiro. Bregut të detit. Fshati turistik “Laguna Blu”. Qerret.

I them Ezmerkës:
-Më bën një foto?

Pasi shkrepi aparatin disa herë, i thashë:

-Dua edhe një tjetër foto. Dale të hipi mbi rrëshqitëse.

-Ke lujt nga fiqiri! Të të bëj foto ku luajnë kalamaj? Turp të kesh!

-Pse? Sipas Mao Ce Dunit mosha fillon 60 vjeç. I bie të jem 12 vjeç: Kalama!

-Harroje! Më vjen turp nga njerëzi!

Aty pari po kalonte një vajzë. Bionde. E kolme. Me bikini të ditëve të fundit. Dmth mbuluar vetë vrimat.

-Po nuk ma bëre foton, i them çupës!

-Do bësh gazi i botës! Pa thënë që nuk ke surrat të flasësh me këtë peri!

Por e mori ferra uratën. Lashë Ezmerkën. Ju aftova çupës. Instikti më thosh që ishte ruse.

-Pazhallusta-të lutem.

I zgjata celularin. Mu lidh gjuha. Për dy arsye.

Së pari. Nuk më kujtoheshin fjalët rusisht.

Së dyti. Më mbyti emocioni.

Për habi të Ezmerkës, çupa shkrepi aparatin. Vrava trutë dhe bëra tre pyetje, standart në rusisht.

1-Kak tebja zavut? Si të quajnë?

-Tatjana!

2-Gde zhivot? Ku banon?

-Moska.

3-Gde rabotajet! Ku punon?

-Televizja Moskvu!

Doja të vazhdoja të ëmblën bisedë, por…

-Mitro! Na pret Denisa për kafe…

-Dasvidanja! Krasivaja devoçka? Lamtumirë vajzë e bukur!

-Dasvidanja! Mielli drug? Lamtumirë mik i dashur!

-Pika burrit! Bën si adoleshent?!…

Lajmet e fundit nga