LEXO PA REKLAMA!

SHKARKO APP

Të dyja rrinë përjetë/ Gishti tregues i Gjermanisë dhe hunda e Ballkanit

17 Korrik 2020, 16:56, Satire Politike CNA

Përdorimi i maskës në qarqet politike proklamohet si detyrim për qytetarët, ku në disa vende sanksionohet me gjoba, e në të tjera apelohet për të mirën e shëndetit dhe shoqërisë.

Tashmë që pandemia ka hyrë në një cikël të ri, jo dhe aq të errët sa në fillimet e veta kur imponoi izolimin thuajse në gjithë botën, në qarqet politike ka zhvillime, takime fizike e madje edhe episode paniku apo ilariteti me maskat.

Kujtojmë që dy ditë më parë një ministre në Francë “shtangu” botën, kur makina që e la mes njerëzve i iku bashkë me maskën.

Sot një tjetër episod, ka marrë vëmendjen e publikut. Ajo që vërehet edhe gjykohet në Ballkan me tangërllëkun që i dilet virusit me gjysma-maska del qartë edhe pastër në foton kryesore të këtij shkrimi.

Gjestin e bën Angela Merkel me gisht, ndërsa fjalia është lehtësisht e interpretueshme përballë kryeminstrit bullgar, Boyko Borisov.

Kancelarja gjermane Angela Merkel, ironizoi dhe qeshi kur pa kryeministrin me maskën e tij të vendosur poshtë hundës. Kjo ndodhi pikërisht kur Borissov po i jepte dhuratën e ditëlindjes, në 66-vjetorin e lindjes së Merkel.

Pra, Europa Perëndimore përveçse një lidere e padiskutushme politike dhe ekonomike, vijon të japë edhe leksione të klasave fillore për Lindjen. Taksiratin këtë radhë e kishte Bullgaria. /CNA.al

Lajmet e fundit nga