Denoncon Berisha/ “Vidhet regjistrimi i takimit të Çilit me zyrtarin e lartë të drejtësisë”

5 Mars 2020, 19:55, Politikë CNA

?Vidhet nga dosja regjistrimi i takimit të Katecit me Katicën në Hotel Tirana!? Kështu deklaron ish-kryeministri Sali Berisha, teksa i referohet takimit të pronarit të UET-së Henri Çilit.

Berisha thotë se katica është prokurorja superspeciale e supervettuar e Maqedonisë së Veriut, për të cilën pretendon se fill pasi mori detyrën, kënaqi xhepin, zemrën dhe shpirtin me një ryshfet një milion dollarë.

Ndërkohë, sipas ish-kryeministrit, tri katicat tona janë kreu i KED Ardian Dvoran, kandidati për anëtar në Gjykatën e Lartë Sadik Sadushi dhe Inspektori i Lartë i Drejtësisë Artur Metani.

?Njëri prej këtyre drejtuesve të lartë të institucioneve të narko drejtësisë, sipas regjistrimeve autentike të urdheruara nga organi i hetimit, është takuar me dt 14 janar 2020 në Hotel Tirana me Katec Çilin dhe ka marrë përsipër të plotësojë në kërkesë të tij, prapa të cilës njëlloj si në rastin e Katicës së Maqedonisë Veriut qëndrojnë as më shumë dhe as më pak se sa 1 milion euro rryshfet.

Një javë më parë Edvin Mafia urdhëroi arrestimin e Katec Çilit dhe fshehu emrin e Katicë Dvoranit, apo Katicë Sadushit apo Katicë Metanit, njëri prej të cilëve ishte rregjistruar me zë dhe figurë si partner në krim me Katec Çilin?, shkruan Berisha, ndërsa përsërit edhe njëherë akuzat se së bashku me drejtorin e Top Channel Ben Blushin, kryeministri Edi Rama po tenton të fshehë të vërtetën.

?Edvin Mafia urdhëron Arben Malavitën që me teleblushin e tij t?ju thotë qytetarëve se prokurori nuk ka thënë se është bërë dhe regjistruar me zë dhe figurë ndonjë takim në Hotel Tirana midis Çilit dhe një drejtuesi të lartë të një institucioni të drejtësisë, por ka thënë se për këtë takim është folur në një bisedë telefonike midis dy personave. Me këtë akt qesharak Edvini kërkonte të mbulonte diellin me shoshë.

Kurse sot kemi një zhvillim klamoroz! Katec Çili deklaroi me zë dhe figurë se ai nuk ka bërë asnjë takim me ndonjë Katicë për çështjen prapa të cilës qëndrojnë 1 milion euro. Miq, për këtë duhet falenderuar Katec Çili sepse ai dëshmoi se, përveç aktit kriminal të fshehjes së njërës prej tre katicave të takimit e filmuar dhe regjistruar me zë dhe figure në Hotel Tirana, Edvin Mafia ka urdhëruar një krim tjetër të shëmtuar: zhdukjen e regjistrimit me zë dhe figurë të takimit të Katec Çilit dhe Katicës së Edvinit! Ky është shteti i mafies në çdo qelizë!?, nënvizon ish-lideri i demokratëve./ CNA.al