E fundit!

17:41 Kosova & Bota

Trump tërhiqet nga tarifa prej 20% në Ngushticën e Hormuzit/ Ja me çfarë do ta zëvendësojë masën

Presidenti amerikan Donald Trump është tërhequr nga vendos...

Cili është kuptimi i shikimit të një fëmije në ëndërr?/ 20 skenarët e ndryshëm

16 Janar 2020, 07:40, Blog CNA

A keni parë ndonjëherë në ëndërr një fëmijë, dhe ta keni pyetur veten se çfarë do të thotë kjo? Pavarësisht nëse keni tashmë fëmijë, i dëshironi, apo jeni aktualisht shtatzënë, shumica prej nesh do të përjetojnë ëndrrën e çuditshme me një fëmijë. Por cili është kuptimi, që fshihet pas një fëmije në ëndërr?

Sigurisht, ashtu si me të gjitha ëndrrat e tjera, edhe kjo ka të bëjë me kontekstin. Në ëndrra, fëmijët e vëgjël përfaqësojnë pafajësinë dhe pastërtinë, por ata mund të simbolizojnë ndërkohë edhe papjekurinë dhe fëmijërinë. Një foshnje në jetën reale, është mishërimi i dashurisë sonë më themelore për një qenie tjetër njerëzore.

Por, fëmijët në ëndërr tregojnë gjithashtu një nevojë. Ata kërkojnë vëmendjen tonë. Të mësosh se çfarë kuptimi të veçantë sugjeron fëmija në ëndërrrën tuaj, nuk është e lehtë. Ja cilat janë disa nga skenarët:

Lindni një fëmijë: Nëse nuk jeni shtatzënë, kjo është një ëndërr që simbolizon një fillim të ri. Pra jeni duke nisur një fazë të re në jetën tuaj, dhe ndiheni sikur është një rilindje.

Djalë: Kjo ëndërr është tregues i cilësive mashkullore, ndaj mendoni mbi meshkujt në jetën tuaj. A keni probleme me ndonjë prej tyre? Rikujtoni sesi po sillej ai. Ishte agresiv? Apo duke luajtur? Ka shumë rëndësia se si po vepronte fëmija, dhe si jeni ndjerë ju ndaj tij.

Vajzë: Kjo ëndërr përfaqëson energjinë femërore. A ka një femër të fuqishme në jetën tuaj, që ushtron shumë ndikim tek ju? Nëse po, është koha ta sfidoni atë.

Bebet binjakë: Kjo është një shenjë shumë e mbarë, dhe shoqërohet me sukses të madh. Do të arrini promovime në punë, do i ngjitni shkallët e karrierës me një ritëm më të shpejtë se të tjerët.

Shumë bebe: Kjo ëndërr tregon një ekzaltim të madh për jetën. Ju keni një energji të madhe dhe një entuziazëm të jashtëzakonshëm për atë që po bëni në ato momente. Dhe ëndrra që keni parë po ju thotë se jeni në rrugën e duhur .

Bebe e vdekur: Ndonëse është një ëndërr shumë traumatike, kuptimi i një fëmije të vdekur është simptomë e stresit që kemi në jetën tonë reale. Pra, gjithçka që ëndrra sugjeron, është që ne jemi të stresuar tashmë. Dhe është nënndërgjegjia jonë, ajo që na bën me dije se nuk po përballemi si duhet me të.

Bebe e lumtur: Është një tregues për të gjitha gjërat e mira dhe të pastra që keni ju vetë. Mund ta keni harruar se çfarë personi i mirë jeni. Është koha për t?ia kujtuar vetes.

Bebe e bukur: Miqtë do t?ju ndihmojnë gjatë kohërave të vështira që po përjetoni. Është koha t?i lejoni ata t?ju ndihmojnë. Mos u ndjeni sikur mundeni apo duhet t?ia dilni të vetëm. Keni përreth të gjithë mbështetjen që ju nevojitet. Ajo çfarë ju duhet, është të kërkoni ndihmën.

Bebe e shëmtuar: Kujdes nga sjellja e pabesë pranë jush. Keni miq ose kolegë, që nuk ju duan më të mirën. Ju vetë nuk u besoni shumë njerëzve.

Foshnje e sëmurë: Është një paralajmërim i vështirësive në punë ose i marrëdhënies në çift. Jini të sjellshem me veten. Ushqehuni shëndetshëm, flini mjaftueshëm, çlodhuni, dhe bëni gjërat që ju pëlqejnë.

Foshnje e lindur para kohe: Do të përjetoni papritur probleme të reja. Duhet të jeni vigjilentë, dhe të prisni në çdo kohë të papritura. Veproni sipas instinktit tuaj, dhe dëgjojini këshillat që ju jepen.

Foshnje që ecën në këmbë: Do përjetoni befasi një pavarësi të madhe nga situata ku ndodheni. Jini të gatshëm për të hedhur hapa të mëdha përpara. Është koha e duhur për të qenë të guximshëm dhe aventureskë.

Foshnje që qan: Ju mungon vëmendja që dëshironi, në një marrëdhënie personale apo në punë.

Foshnje e keqe: Përfaqëson zemërimin e shtypur dhe anën e errët të karakterit tuaj, që ju nuk dëshironi ta shohin njerëzit e tjerë.

Foshnje shumë e vogël në peshë: Keni shumë frikë nga ajo që rezervon e ardhmja për ju.

Harresa e pasjes së një fëmije: Tregon se po mundoheni shumë që t?ua fshihni të tjerëve dobësitë tuaja. Ose nuk dëshironi që njerëzit pranë jush, të njohin sekretet tuaja më të thella.

Foshnja që rrëzohet: Është një paralajmërim, për t?u larguar nga konflikti në jetën tuaj. Sjellja juaj e pamatur në të shkuarën, ju ka futur në situata të vështira.

Një foshnje që mbytet: Domëthënia është mbingarkesa në punën tuaj të përditshme. Kërkoni ndihmë para se të sëmureni, për shkak të sforcimit fizik.

Mbani një foshnje në duar: Ju mungon një periudhë e jetës tuaj, kur nuk keni pasur përgjegjësi. Ndoshta vitet e fëmijërisë apo adoleshencës, kur për ju kujdeseshin prindërit.

Jeni vetë një bebe: Nënkupton dëshirën për t?u kthyer në epokën e pafajësisë, ku gjithçka ishte e thjeshtë dhe e lehtë. Ose është shenjë se po shtypni një ngjarje traumatike që ju ka ndodhur kur ishit fëmijë./ Learningmind-Përshtatur nga CNA.al