web counter
LEXO PA REKLAMA!

SHKARKO APP

App Store
Google Play

E fundit!

x

"Do derdhet gjak në protestë"/ OSBE jep alarmin

25 Maj 2019, 11:04, Aktualitet CNA

Përfaqësia e OSBE në Tiranë, në një deklarat për mediat, ka bërë thirrje përsëri për një protestë të qetë dhe jo të dhunshme.

Ashtu sikurse dy javë më parë, më 11 maj, kur opozita zhvilloi një nga protestat kombëtare, e cila ishte e dhunshme dhe me incidente të shumta, përfaqësia e OSBE në Tiranë bëri thirrje për distancim nga dhuna duke e quajtur të papranueshme.

“Përmendja e derdhjes së gjakut, pak ditë përpara një proteste publike, është e papërputhshme me demokracinë moderne dhe me protestat demokratike.” shkruhet në deklaratën e OSBE-së për mediat.

Deklaratë e Prezencës së OSBE-së në Shqipëri

E tërë familja e OSBE-së — Prezenca e OSBE-së në Shqipëri, Kryetari i Radhës i OSBE-së dhe ministri i Jashtëm e për Evropën i Sllovakisë, Miroslav Laj?ak, Sekretari i Përgjithshëm i OSBE-së, Thomas Greminger, Presidenti i Asamblesë Parlamentare të OSBE-së, George Tsereteli dhe Sekretari i Përgjithshëm i Asamblesë Parlamentare të OSBE-së, Roberto Montella — e dënuan fuqishëm përdorimin e dhunës, nga ana e protestuesve, në kryeqytetin e Shqipërisë, Tiranë, më 11 maj 2019. Ata theksuan të drejtën për t?u tubuar dhe për të protestuar në mënyrë paqësore, por nënvizuan se dhuna është e papranueshme dhe se trazirat nuk mund të zëvendësojnë angazhimin politik demokratik. E sjellim në vëmendje këtë deklaratë përpara protestës së 25 majit 2019. Deklarata mbetet po aq e vlefshme sa edhe dy javë më parë. Koktejet e molotovit, hedhja e gurëve dhe e shashkave janë të paligjshme; reagimi i tepruar i forcave të rendit nuk mund të pranohet. I nxitim pjesëmarrësit dhe drejtuesit e protestës së sotme të jenë të përmbajtur. Përmendja e derdhjes së gjakut, pak ditë përpara një proteste publike, është e papërputhshme me demokracinë moderne dhe me protestat demokratike./CNA.al





Lajmet e fundit nga