LEXO PA REKLAMA!

SHKARKO APP

App Store
Google Play

E fundit!

x

Kush fshihet pas Arta Markut?/ Zbardhet debati në Komisionin e Pavarur të Kualifikimit

26 Korrik 2018, 17:35, Aktualitet CNA
Kush fshihet pas Arta Markut?/ Zbardhet debati në Komisionin e Pavarur

E zgjedhur në kushte lufte, Prokurorja e Përgjithshme e përkohshme,  me 4 korrik 2018, ka kaluar me sukses Vettingun.

Të paktën, kështu u komentua si sukses, pavarësisht kritikat të ndërkombëtarëve dhe injorimit që Marku i bëri Komisionit të Pavarur të Kualifikimit.

ONM, ka qenë kundër që Marku të kalonte këtë proces, ndërsa kryeprokurorja as e ka vënë ujin në zjarr për t?ju përgjigjur akuzave të tyre.

Së pari ka qenë mungesa e Arta Markut, në seancën dëgjimore e cila është kritikuar nga përfaqësuesi i OMN ?së, por edhe nga trupa e KPK ?së, e cila përbëhej nga Genta Tafa Bungo, Pamela Qirko dhe Suela Zhegu.

Arta Marku nuk ishte e pranishme vetë para KPK-së, por përfaqësohej nga avokatja e saj, Lirime Çukaj. Mungesa e Arta Markut nuk është lënë pa u komentuar nga trupa e KPK si dhe përfaqësuesi i ONM, Theo Jacobs.

Edhe pse gjatë hetimit të pasurisë dhe pastërtisë së figurës, KPK nuk konstatoi probleme, lëvizjet e komanduara të ndërmarra nga Marku pas zgjedhjes në dhjetor 2017 në krye të organit të akuzës u kritikuan. Sipas KPK ?së, Arta Marku kishte dështuar të aplikonte një metodologji për riorganizimin e Prokurorisë.
Sot mediat raportojnë se OMN, por rishqyrton dosjen e Markut, për ta rikthyer sërish në filtrin e Vettingut.

Risjellim në vëmendje debatin në KPK në lidhje me rivlerësimin e Kryeprokurores së përkohshme, Arta Marku

Seanca dëgjimore në KPK me 3 Korrik 2018

Mungesa e kryeprokurores përpara KPK ka shqetësuar trupën e gjyqtarëve si dhe përfaqësuesin e ONM, Theo Jabos. Ky i fundit,  ka thënë se është i shqetësuar nga kjo mungesë e Arta Markut dhe  se kryeprokurorja tregoi mungesë lidershipi.

Anëtarja e KPK, Genta Tafa Bungo: Pse s?ka ardhur Arta Marku sot? Prania e znj.Marku do ishte prestigjoze.

Lirime Çukaj: Marku e pa të arsyeshme kështu.

Theo Jacobs, përfaqësues i ONM: Shpreh keqardhjen time që Arta Marku s?është këtu. E shoh si një mungesë lidershipi

Theo Jacobs: Në rastin e hetimit të arrestimit të shoferit të dehur marku ka patur eksperience dhe s?duhet të gabonte.
Në lidhje me rastin e shtetasit që është arrestuar me trafik rrugor, sepse kishte pirë më shumë raki. Arta Marku kërkoi për të dy herë arrest me burg. Nuk e mbështes idenë që duhet të drejtosh nën efektin e alkoolit. Por dua të përqendrohem tek kërkesa ekstreme për arrest me burg. Së pari, subjekti ka një përvojë të lartë si prokurore, nuk është fillestare. Ajo e di dallimin mes një çështjeje të vështirë dhe të thjeshtë. Ndryshe nga vendet e Europës, nëse do marr shifrat e Shqipërisë, shoh se 44 perqind e njerëzve janë në paraburgim. Ka një problem këtu për Prokurorinë, sepse ata japin sinjalin, ata kanë përgjegjësi për këtë gjë.

Avokatja  Lirime Çukaj: Jam dakord me komentet e Monitoruesit Ndërkombëtar. Por referuar ligjeve, një nga qëllimeve të masave të sigurimit ose kur ka arrest në flagrancë është parandalimi i kryerjes së krimeve apo veprave penale të mëtejshme.

Genta Tafa Bungo: I lutem medias t?i përcjellë mesazhin Arta Markut meqenëse nuk erdhi.

Avokatja Çukaj: Prokuroria është subjekti që kërkon, por vendimin e merr Gjykata.

 Theo Jacobs: Ne e dimë çfarë thote ligji. Prokuroria duhet të argumentojë kërkesën e saj. Çështja duhet t?i përshtatet rrethanave./CNA.al

Lajmet e fundit nga