LEXO PA REKLAMA!

SHKARKO APP

20 milionë lekë dhe tre apartamente të pajustifikuara/ “Pritet koka” e gjyqtarit të Apelit

26 Korrik 2018, 15:50, Aktualitet CNA
20 milionë lekë dhe tre apartamente të pajustifikuara/

Komisioni i Pavarur i Kualifikimit, ka lënë në fuqi vendimin për shkarkimin e gjyqtarit të Gjykatës së Apelit në Durrës, Besim Trezhnjeva.

Kujtojmë se Trezhnjeva ngeci në rrjetën e Vettingut dhe Komisioni i Pavarur i Kualifikimit, e shkarkoi nga detyra, në seancën e zhvilluar në 13 prill.

Pas hetimeve ndaj tij, rezultoi se Trezhnjeva ka bërë deklarim të rremë të pasurisë dhe nuk justifikon burimin e të ardhurave. Të pajustifikuara kanë rezultuar 20 milionë lekë edhe tri apartamente.

Njoftimi i KPA

Trupa gjykuese e Kolegjit të Posaçëm të Apelimit, kryesuar nga Ardian Hajdari, relator Luan Daci dhe anëtarë Ina Rama, Rezarta Schuetz, Sokol Çomo, sot, më datë 26.07.2018, ora 10:00, në dhomë këshillimi, bazuar në nenin 66/1 gërma ?a? të ligjit 84/2016 ?Për rivlerësimin kalimtar të gjyqtarëve dhe prokurorëve në Republikën e Shqipërisë?, vendosi: Lënien në fuqi të vendimit N14 datë 13.04.2018, të Komisionit të Pavarur të Kualifikimit që i përket subjektit të rivlerësimit z. Besim Trezhnjeva.

Ky vendim është përfundimtar, i formës se prerë dhe hyn në fuqi menjëherë. Kundër këtij vendimi lejohet ankim në Gjykatën Evropiane të të Drejtave të Njeriut./CNA.al

Lajmet e fundit nga