Shembja e Teatrit/ "Nuk është vetëm çështje e aktorëve"

26 Korrik 2018, 14:07, Aktualitet CNA

Shembja e Teatrit/ "Nuk është vetëm çështje e

Ish-Minstri i Drejtësisë në Qeverinë Rama 1, Ylli Manjani, është kthyer të flasë edhe njëherë për shembjen e Teatrit.

Në një postim në rrjetet sociale, Manjani ka shprehur keqardhje për aktorët, ndërsa shton se nuk është vetëm çështja e tyre por edhe e Qeverisë.

Sipas tij, kjo e fundit duhet tu përgjigjet disa pyetjeve, që vënë në pikëpyetje regjimin demokratik të Republikës së Shqipërisë.

Postimi i plotë

Çështja e Teatrit, nuk është çështje aktorësh.
?????-
Jam shumë i keqardhur që shoh të zhgarraviten aktorë e regjisorë nëpër media përballë njëri-tjetrit.

Nuk ka qenë e as as është çështje e tyre vetëm, ndalimi i korrupsionit publik me shitjet e pronës publike tek privati!

Nuk ka qenë e as është detyrë vetëm e tyre ruajtja e ikonave të trashegimisë historike!

Aktorët e regjisorët janë profesionistë të skenës dhe tek e fundit ata duan një skenë të mirë për të luajtur. Në këtë pikë nuk ka ndarje ndërmjet tyre!

Tjetër gjë që pushteti manipulon me ndjesitë dhe fukarallëkun e tyre! Por në të vërtetë të gjithë ata duan një skenë më të mirë.

Ndaj mire bëjnë të mos luajnë rolin e bajatit se nuk ju shkon!

Çështja themelore që shtrohet, me këtë rast, para instirucioneve dhe shoqërisë sonë është:

Do ta ruajmë apo ta fundosim rregjimin juridik e demokratik të Republikës!

Sot duan përgjigje këto pyetje:

1. A mundet pushteti të vendosë ligje të posaçme, pra për një marrëdhënie konkrete e me emra të përveçëm?

2. A mundet pushteti të shmangë procesin e rregullt ligjor, ku secili duhet të jetë i barabartë para ligjit?

3. A mundet që pushteti të heqe sigurinë juridike shtetasve të tij? Pra ti rrembejë të drejtat që i ka fituar më parë me ligj e me proçes ligjor të rregullt?

4. A mundet pushteti të sillet me pronën publike si në një mall pa zot?

5. A janë të garantuara më liritë dhe të drejtat e shtetasve, kur kushtetuta dhunohet dhe ska Gjykatë ta mbrojë?

6. A mundet që Parlamenti, për shkak të pushtetit absolut, në kohë paqe,të rrëmbejë detyra e pushtete që u janë dhënë Bashkive dhe institucioneve të tjera?

7. A është sot Republika e Shqipërisë kushtetuese me pushtete të ndara?

Këto janë pyetjet që duhen sqaruar, në radhë të parë nga Kryetari i Shtetit!

Ky i fundit nuk ka pse të niset nga sensibilitete emocionale që vijnë nga grupime artistësh, por duhet ti dalë për zot REPUBLIKËS!

Kjo është çështja!/ CNA.al