LEXO PA REKLAMA!

SHKARKO APP

Skandali-E vërtetuar me zë dhe figurë/ Vettingu konfirmon në detyrë gjyqtarin e korruptuar

26 Korrik 2018, 11:59, Aktualitet CNA
Skandali-E vërtetuar me zë dhe figurë/ Vettingu konfirmon në

Partia Demokratike ka reaguar sot në lidhje me vendimin e Komisionit të Pavarur të Kualifikimit për konfirmimin në detyrë të gjyqtarit Ilir Toska, kandidat për Këshillin e Lartë Gjyqësor.

Në një deklaratë për mediat, deputeti i PD, Enkelejd Alibeaj ka hedhur akuza të forta ndaj kryeministrit Rama, i cili sipas tij ka kapur politikisht procesin e Vettingut.

Sipas Alibeajt, gjyqtari në fjalë është provuar më zë dhe figurë si i përfshirë në korrupsion.

Gjithashtu Alibeaj tha se si rezultat, ?Kandidati i Ramës për KLGJ, Toska është një individ i mundshëm për tu vënë nën presion?.

?Shqiptarët duhet ta dinë se bazuar në dokumente zyrtare, bazuar në një raport zyrtar të Shërbimeve të Inteligjente ka një përgjim më zë dhe figurë ku toska është përfshirë në korrupsion. SHISH u kishte dërgu autoriteteve më të larta të kohës, materialin ku vërtetohej se Toska ka marrë para me ndermjetësimin e një punonjësi të Ministrisë së Brendshme?-tha Alibeaj.

Deklarata e plotë: 

Partia Demokratike i kërkoi dje Edi Ramës, që në vend të akuzave  dhe sulmeve të dala boje kundër opozitës, t?u thotë shqiptarëve sesi po pastrohet Pallati i Drejtësisë, kur vettingu po konfirmon në detyrë gjyqtarë të kapur në flagrancë me përgjime në afera korruptive.

Duke qenë se Edi Rama hesht për të mbrojtur gjyqtarët e korruptuar dhe të lidhur me krimin e organizuar, të konfirmuar në detyrë nga vettingu, ne po bëjmë transparencë për një prej rasteve flagrante.

Gjyqtari Ilir Toska, kandidat i Edi Ramës për Këshillin e Lartë Gjyqësor është vlerësuar nga institucionet përgjegjëse dhe shërbimet inteligjente si i papërshtatshëm me detyrën dhe duhet shkarkuar nga organet e vettingut.

Siç thuhet në raportin zyrtar, gjyqtari Ilir Toska, kandidat i Edi Ramës për këshillin e Lartë Gjyqësor, ?rezulton individ i mundshëm për t?u vënë nën presion nga struktura kriminale?, por ai u konfirmua në detyrë nga vetting me urdhër politik të Edi Ramës.

Shqiptarët duhet të dinë se raporti zyrtar i shërbimeve inteligjente bazohet në një përgjim me zë dhe figurë, ku gjyqtari Ilir Toska, kandidat i Edi Ramës për Këshillin e Lartë Gjyqësor, është përfshirë në korrupsion.

Sipas materialeve që kanë në dosje organet  e vettingut rezulton se Shërbimi Informativ Shtetëror u  kishte dërguar autoriteteve më të larta të kohës, Presidentit Alfred Moisiu dhe Ministrit të Drejtësisë, Fatmir Xhafaj një material audioviziv, ku provohej se Ilir Toska, në atë kohë kryeinspektor i KLD-së, ka marrë para me ndërmjetësimin e një punonjësi të Ministrisë së Brendshme, që ai të mos i jepte masë disiplinore një gjyqtari të korruptuar.

Pavarësisht këtij fakti të rëndë dhe tronditës, ku gjyqtari Ilir Toska, është kapur në flagrancë për korrupsion, organi i vettingut konfirmoi në detyrë kandidatin e Edi Ramës për Këshillin e Lartë Gjyqësor.

Ky nuk është rasti i vetëm, kur vettingu ka konfirmuar në detyrë gjyqtarë dhe prokurorë të korruptuar.

Partia Demokratike do të vazhdojë të bëjë transparencë e këtij procesi të korruptuar politikisht nga Edi Rama, qëllimi kryesor i të cilit është zbatimi i projektit mafioz të kapjes së sistemit të drejtësisë për ta vënë atë në shërbim të mbrojtjes së korrupsionit dhe krimit të organizuar, më të cilin qeveris vendin. ?/ CNA.al

Lajmet e fundit nga