LEXO PA REKLAMA!

SHKARKO APP

Zbulohen kandidatët e Bashës për Tiranën/ Priten surpriza

26 Korrik 2018, 08:57, Aktualitet CNA
Zbulohen kandidatët e Bashës për Tiranën/ Priten surpriza

Ndërkohë që zgjedhjet lokale po afrojnë, opozita ende nuk ka dalë me një kandidat zyrtar për Bashkinë e Tiranës.

Disa ditë më parë në media u lakua emri i kreut të LZHK-së, Dashamir Shehi, për të cilin u tha se do të ishte kandidati i opozitës, për Bashkinë e Tiranës.

Por, CNA.al ka mësuar se në shumë struktura është diskutuar nga aktivët çështja e kandidatëve për Tiranën dhe është kërkuar që të dilet sa më shpejt me një emër konkret.

Ndërkohë burime të sigurta bëjnë të ditur për CNA.al se emrat e diskutuar për të kandiduar në Tiranë, janë  Jorida Tabaku, Florjon Mima, Edmond Spaho, Gert Bogdani, Dashamir Shehi, Orjola Pampuri.

Gjithashtu mësohet se këta nuk janë të vetmit emra të propozuar në mënyrë jo zyrtare. Në qarqet e opozitës flitet edhe për dhjetëra emra të tjerë, si Jamarbër Malltezi, aktualisht kreu i Departamentit për Mjedisin në PD, si dhe deputetja Grida Duma apo edhe këshilltari i djathtë në Bashkinë e Tiranës, Kreshnik Çollaku.

Megjithatë, këta janë vetëm disa nga emrat e mundshëm që diskutohen në strukturat dhe korridoret e PD, por pa asnjë dyshim mund të ketë edhe emra surpriza./ CNA.al

Lajmet e fundit nga