Zhbërja e ligjit për Gjykatën Speciale/ SHBA vijon ofensivën: Kosovarët e duan!

31 Janar 2018, 16:14, Aktualitet CNA

Përpjekjet e lidershipit kosovarë për të zhbërë Ligjin “Për Gjykatën Speciale”, po vazhdon të kundërshtohet ashpër nga SHBA .

Qëndrimin e pandryshuar e ka përsëritur ambasadori amerikan në Kosovë, Greg Delawie, i cili ka shkruar se as qytetarët e Kosovës nuk e përkrahin një gjë të tillë.

“Zeri Info” ka sjellë versionin shqip të ambasadorit Delawie, i cili përmes rrjetit social Twitterit transmeton mesazhin se: as populli i Kosovës nuk e përkrah iniciativën për shfuqizim të Gjykatës Speciale, duke deklaruar se duartroket ata që janë kundër kësaj nisme.

?Duartrokas politikanët dhe të tjerët që flasin publikisht, edhe pse është e vështirë për atë për atë se çka është e drejtë për të ardhmen e Kosovës?, shkroi ambasadori i SHBA-së.

Nuk është hera e parë që Kosova ka marrë paralajmërime pas iniciativës për shfuqizim që u ndërmorr nga 43 deputetë të Kuvendit.

Ndërkombëtarët kanë paralajmëruar shtetin se në rast se ndodh një gjë e tillë do të ketë implikime serioze negative për të ardhmen e Kosovës si pjesë e Evropës.