E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Si u alarmua Franca pas lirimit të Domart Konjarit dhe historia e bandës së tij, si një film/ Jetë luksoze në Majemi dhe armatim sa për të shpallur një luftë…

30 Janar 2018, 22:07, Aktualitet CNA

Vrasja e Devi Kasmit në Tiranë, ka rikthyer në qendër të vëmendjes jo vetëm historitë e vjetra të përplasjeve të grupeve kriminale, por edhe se si drejtësia ka amnistuar dhe liruar kriminelë nga më të rrezikshimit në Europë.

Një rast i tillë është ai Domart Konjarit, që është shpallur në kërkim nga ana e policisë, si i dyshuari kryesor për vrasjen e Kasmit.

I dënuar me dhjetë vite burg në Francë për trafik ndërkombëtar droge, Konjari u lirua nga gjykata në Shqipëri dy vite më parë, për shkaqe procedurale.

Një metodë kjo që ndiqet shpesh nga gjykatat shqiptare, për të liruar kriminelët.

Konjari u dënua në mungesë në Francë.

Autoritetet thanë se ai drejtonte një bandë mafioze të frikshme.

Pak kohë më parë u raportua se grupit të tij i ishte kapur një ton kokainë në Holandë.

Historia e bandës së tij është si në filma.

Sipas një hetuesi holandez, ata bënin një jetë luksoze në Majemi.

Pas kontrolleve, atyre iu zbulua aq shumë armatim, sa mund të bënin një luftë.

Lirimi i tij dy vite më parë, solli dhe reagimin e ashpër të Ambasadës franceze në Tiranë.

Kjo e fundit në vitin 2016, iu dërgoi një letër autoriteteve më të larta shtetërore, për lirimin nga gjykata të Domart Konjarit.

Në letër thuhej se Franca ka shpenzuar miliona euro për hetimin e Konjarit, ndërkohë që Shqipëria nuk ka respektuar Konventën Europiane për ndihmë të ndërsjelltë gjyqësore në fushën penale.

Në letër ngrihej shqetësimi kryesor për vendimin e Gjykatës së Apelit më 14 mars për heqjen e masës së arrestit me burg për Konjarin.

Ambasadori Bernard Fitosussi e kundërshtoi lirimin e tij, pasi Konjari është i dënuar në Francë për vepra të rënda penale.

?Domart Konjari është dënuar në mungesë më 13 nëntor 2015, nga Gjykata e shkallës së parë e Rennes të Francës me 10 vjet burg, nga të cilat nuk mund të bëjë më pak se gjashtë vite burg, me ndalim të përhershëm në territorin francez, dhe me një gjobë prej 2,6 milionë eurosh,? thuhej në letrën e ambasadorit Fitoussi.

Për të provuar këtë, Ambasada franceze theksoi se, pas arrestimit të Konjarit në nëntor të vitit të kaluar, në Shqipëri ka mbërritur një dokument prej 34 faqesh që janë produkt i një hetimi të imtësishëm të autoriteteve franceze që prej vitit 2011.

Ndër akuzat që rëndojnë mbi Konjarin dhe që përmenden në letrën e ambasadorit janë: import, mbajtje, transport, tregtim i drogës, krijim i një grupi kriminal, dhe pastrim parash nga trafiku i drogës.

?Ai është i njohur si drejtues i një rrjeti ndërkombëtar trafiku kokaine, aktiv në më shumë se gjashtë vende, rrjet ku janë të përfshirë dyzetë e pesë persona nga pesë vende të ndryshme, mes të cilëve edhe francezë,? thuhej më tej në letër.(TemA)