LEXO PA REKLAMA!

SHKARKO APP

Fatmir Xhafaj sulmon ambasadorin Lu: Nuk është as prokuror as polic që...

30 Janar 2018, 21:16, Aktualitet CNA

Ministri i Brendshëm Fatmir Xhafaj, gjatë një interviste në emisionin “Studio e hapur” të gazetares Eni Vasili, teksa foli për 4 klanet dhe 20 familjet kriminale që operojnë në vend, tha se janë më shumë se kaq.

I pyetur nëse ambasadori Lu ka të drejtë me deklaratat e tij për krimin dhe grupet kriminale, u shpreh se ambasadori nuk është as prokuror e as polic.

“Ambasadori Lu nuk është prokuror, ai thotë ato që i janë paraqitur përmes informacioneve. Ne nuk duhet të fokusohemi tek numrat konkretë, por lufta ndaj këtyre problemeve. Megjithatë do thoja se këto familje apo grupe kriminale, nuk janë tipike mafioze, ketë e themi ne e kanë thënë edhe të huajt. Ky është një proces, për të bërë identifikimin duhet kohë.”, -tha Xhafaj.

Sipas ministrit Xhafaj, autoritetet po hetojnë për sigurimin e provave të nevojshme për të vënë pas hekurave klanet dhe familjet kriminale të identifikuara.

Më tej ai tha se këto grupe janë të shpërndara si në Tiranë, Vlorë, Shkodër, Fier, Ebasan etj. Ndërsa vetëm në Shkodër operojnë 5 grupe kriminale. /CNA.al

Lajmet e fundit nga