LEXO PA REKLAMA!

SHKARKO APP

Grumbullohen 107 miliardë USD nga konfiskimet e zyrtarëve të korruptuar

30 Janar 2018, 19:37, Aktualitet CNA

Më shumë se 107 miliardë dollarë, ish pasuri e njerëzve të arrestuar gjatë një aksioni masivë kundër korrupsioni, është arritur të grumbullohet në Arabinë Saudite, ndërkohë që kjo nuk është shifra përfundimtare, raportojnë mediat ndërkombëtare duke cituar burime zyrtare.

Shumica e të dyshuarve janë liruar nga paraburgimi, pasi kanë rënë dakord të paguajnë ?në lloje të ndryshme të aseteve, duke përfshirë pasuri të paluajtshme, subjekte komerciale, letra me vlerë, para të gatshme dhe pasuri të tjera?, tha të martën Prokurori i Përgjithshëm i Arabisë Saudite, Shejh Saud Al Mojeb.

Autoritetet saudite tani janë në përfundim të hetimeve që filluan më 4 nëntor 2017, kur autoritetet arrestuan dhjetëra zyrtarë qeveritarë dhe biznesmenë të shquar.

Shejh Saud tha se 381 persona u janë nënshtruar hetimeve. Disa u liruan pasi zyrtarët nuk ishin në gjendje të siguronin prova të mjaftueshme për të mbështetur akuzat kundër tyre, ndërsa të tjerët u liruan pas pranimit të akuzave për korrupsion dhe negocimit me qeverinë.

Prokurori i Përgjithshëm tha se 56 vetë mbetën në paraburgim. Një nga të dyshuarit më të lartë është miliarderi Alwaleed bin Talal, i cili u lirua të shtunën. Kushtet e lirisë së tij mbeten të paqarta dhe ministria e Informacionit të vendit tha se nuk do të komentonte mbi gjendjen e tij./CNA.al

Lajmet e fundit nga