LEXO PA REKLAMA!

SHKARKO APP

Kapet "i pastrehu" shqiptar me 80 mijë euro drogë

30 Janar 2018, 18:22, Aktualitet CNA

Policia italiane ka arritur të vërë në pranga një 19-vjeçar shqiptar me inicialet P.X. i cili akuzohet për shpërndarje të lëndëve narkotike të llojit kokainë dhe hashash.

19-vjeçari është arrestuar nga Policia e Frosinones, sepse pasi u pikas nga policia është sjellë në mënyrë të dhunshme dhe ka hedhur teksa udhëtonte mi biçikletë një zarf, në të cilin ndodheshin 16 gramë kokainë. Më pas ai u ka thënë policisë se ishte i pastrehë dhe jetonte poshtë urës.

Pavarësisht pretendimeve të 19-vjeçarit, policia ka arritur të gjejë shtëpinë e tij duke investiguar në rrjetet sociale, ku gjatë kontrollit janë gjetur dhe sekuestruar 790 euro, dy peshore, 200 gramë kokainë e dy gramë hashash. Vlera e drogës së sekuestruar, në treg arrin shifrën rreth 80 mijë euro. /CNA.al

Lajmet e fundit nga