LEXO PA REKLAMA!

SHKARKO APP

App Store
Google Play

Pse kërkohet shfuqizimi i ligjit për Gjykatën Speciale/ 60 drejtues dhe pjesëtar të UÇK-së të akuzuar

30 Janar 2018, 21:46, Aktualitet CNA

Kalimi i nismës së deputetëve për shfuqizimin e Ligjit për Gjykatën Speciale nga Kuvendi në Qeveri, nga analistët politikë po shihet si një taktizim i politikës kosovare që të blejë edhe pakëz kohë derisa të fillojë publikimi i aktakuzave të para, shkruan gazeta “Kosova Sot”, sipas të cilës furtuna e arrestimeve nga prokuroria llogaritet të nisë në pjesën e dytë e muajit shkurt dhe fillimi i marsit. Pikërisht kjo është koha kur edhe mund të nisë rundi i parë i arrestimeve nga Zyra e Prokurorit të Specializuar, shkruan “Kosova Sot”. Sipas të cilës:

Raportohet se Zyra e Prokurorit të Specializuar ka gjetur prova për të akuzuar mbi 60 ish drejtues dhe pjesëtarë të Ushtrisë Çlirimtare të Kosovës, emrat e të cilëve nuk bëhen akoma publikë.

Aktakuzat nuk kanë të bëjnë vetëm me krime lufte, por edhe me vepra të tjera të kryera deri në fund të vitit 2000.

Lidhur me lojën e ping-pongut, ku Kuvendi ia delegon projektligjin e shfuqizimit të disa neneve të Gjykatës Speciale qeverisë dhe anasjelltas, Kosova Sot” shkruan se kjo shihet karta e fundit e lojës së orkestruar nga ana pushtetarëve vetëm për të blerë kohë dhe shtyrë fillimin e arrestimeve të para deri në kalimin e shënimit të 10-vjetorit të shpalljes së Pavarësisë së Kosovës.

Megjithëse nuk përjashtohet edhe ndonjë tentativë e re e paramenduar e presidentit Hashim Thaçi, me ndihmën e kryeministrit Ramush Haradinajt dhe “agjenteve të tij” që ta ndryshojë Ligjin me anë të Kuvendit, për të negociuar me ndërkombëtarët arrestimin e tij eventual…/CNA.al

 

Lajmet e fundit nga