LEXO PA REKLAMA!

SHKARKO APP

App Store
Google Play

E fundit!

x

200.000 euro xhiro/ Bosi shqiptar drejtonte bandën nga burgu grek

8 Nëntor 2017, 21:50, Aktualitet CNA

Ditën e sotme policia greke ka bërë të mundur shpërbërjen e një grupi kriminal, i cili nga aktiviteti i ushtruar kohët e fundit kishin siguruar një fitim prej më shumë se 200.000 eurosh.

Bëhet fjalë për arrestimin e 11 personave emrat e të cilëve nuk janë bërë të ditur, dhjetë prej të cilëve grekë si dhe një shtetas shqiptar, ndërkohë që është identifikuar edhe kreu i këtij grupi, që është një shtetas shqiptar, që aktualisht ndodhet në burg.

Shefi i tyre ishte arrestuar muajin e kaluar në Pire, ndërsa po nisej për në ishullin Patmos dhe iu gjet me vete një sasi kokaine.

Mediat vendase raportojnë se nga kontrollet e ushtruara u gjetën dhe u sekuestruan nën cilësinë e provës materiale sasi kokaine me peshë 1,6 kilogramë, një pluhur i bardhë me peshë 750 gramë që përdoret për të përzier kokainën, një shumë parash prej 59.095 euro si dhe 30.000 lekë, 3 peshore precizioni elektronike, 6 automjete luksoze, një motoçikletë, 18 telefona celularë, 3 libreza bankare, dy karta bankare, një fletore dhe shënime të ndryshme me shuma parash dhe emra të shitjes së kokainës. /CityNews

Lajmet e fundit nga