LEXO PA REKLAMA!

SHKARKO APP

App Store
Google Play

Rama: Nuk ka rritje taksash për 75% të popullsisë

30 Tetor 2017, 08:59, Aktualitet CNA

Buxheti i shtetit për vitin e ardhshëm dhe prioritetet e tij kanë qenë në fokus të fjalës së kryeministrit Edi Rama në mbledhjen e grupit parlamentar mëngjesin e kësaj të hëne.

Rama u shpreh përpara deputetëve se synohet që rritja e buxhetit për vitin e ardhshëm të arrijë 4%, ndërsa rritja ekonomike të kapë shifrën 5%.

Gjatë mbledhjes së grupit parlamentar kryeministri Rama ka folur edhe në lidhje me paketën e re fiskale. Ai u shpreh se nuk ka rritje taksash për 75% të popullsisë dhe as për kompanitë.

Sipas kryeministrit nga formalizimi i bizneseve ka pasur rritje me 25% e të ardhurave.

Kryeministri sqaroi se 23 % e rritjes ka ardhur nga kuponat e ndyshuar gjatë aksionit kundër informalitetit. Mes të tjerash ai pohoi se të gjithë ato biznese që nuk do të kenë të ardhura mbi 20 milionë lekë të vjetra, janë të përjashtuara nga TVSH-ja. Rama njoftoi lehtësira edhe për ato hotele që do të ndërtohen në vitet e ardhshme, me një standard 4-5 yje, ndërsa pohoi se ato të përjashtohen nga taksa tatim-fitim për 10 vite./ CityNews

Lajmet e fundit nga