LEXO PA REKLAMA!

SHKARKO APP

“TikTok” sjell një funksion të ri për adhuruesit e librave

21 Shtator 2022, 18:58, Tech CNA
“TikTok” sjell një funksion të ri për adhuruesit e
Foto ilustruese

“TikTok” ka sjellë së fundmi një funksion të ri në një nga komunitetet më të njohura të rrjetit social.

Bëhet fjalë për komunitetin #BookTok, i cili përbëhet nga përdorues që diskutojnë për libra dhe japin rekomandimet e tyre për të tjerët.

“TikTok” është i vetëdijshëm se komuniteti është një pjesë e madhe e platformës së tij dhe ka vërejtur se hashtag-u #BookTok ka më shumë se 77 miliardë shikime globalisht.

Tani, kompania po investon në komunitet duke bashkëpunuar me “Penguin Random House”, për të lançuar një veçori të re, që lejon përdoruesit të ndajnë dhe të lidhen me librat e tyre të preferuar.

Përdoruesit tani mund të ndërlidhin librat e tyre të preferuar të “Penguin Random House” brenda videove të tyre.

Kur përdoruesit klikojnë në lidhje, ata do të drejtohen në një faqe të dedikuar me detaje rreth librit, duke përfshirë një përmbledhje të shkurtër dhe një koleksion videosh të tjera që kanë të bëjnë me të njëjtin libër.

Me këtë funksion të ri, përdoruesit nuk do të duhet të hapin më një aplikacion të veçantë për të kërkuar detaje rreth një libri.

Gjithashtu, duke qenë se funksioni do të shfaqë video të tjera që flasin për libra, do të jetë më e lehtë për përdoruesit të marrin rekomandime apo të mësojnë detaje rreth librave.

Përveç kësaj, përdoruesit mund t'i ruajnë librat në skedën që ndodhet në profilin e tyre "Të preferuarat". Pra, nëse ju një libër ju duket interesant, mund ta mbani në listë për ta lexuar atë më vonë.

#BookTok është një pjesë e rëndësishme e "TikTok", kështu që nuk është për t'u habitur që platforma po investon në komunitet. Vlen të përmendet se nuk është hera e parë që “TikTok” investon në komunitetin #BookTok, pasi kompania lançoi #BookTokChallenge në fillim të kësaj vere për të inkurajuar njerëzit të zbulojnë libra e autorë të rinj, si dhe të ndajnë mendimet e tyre me të tjerët./ B.A. – CNA.al

Lajmet e fundit nga