LEXO PA REKLAMA!

SHKARKO APP

App Store
Google Play

"TikTok" kopjon “BeReal”/ Zbulohet opsioni i ri, 3 minuta kohë për të shkrepur foto

18 Shtator 2022, 12:02, Tech CNA
"TikTok" kopjon “BeReal”/ Zbulohet opsioni i ri, 3 minuta
Foto ilustruese

Që nga prezantimi vitin e kaluar, “BeReal” është bërë shpejt një nga aplikacionet më të njohura të mediave sociale në mesin e të rinjve.

Aplikacioni i nxit përdoruesit të bëjnë një foto të pafiltruar çdo ditë përmes kamerës së aplikacionit, e cila nxjerr një selfie dhe një foto duke përdorur kamerën e pasme njëkohësisht.

Në vend që t'i lejojë përdoruesit të rimarrin pafundësisht fotot e tyre për të kapur këndin e tyre më të mirë, aplikacioni u jep përdoruesve vetëm dy minuta kohë për të bërë fotografinë.

Me rritjen e popullaritetit, ishte vetëm çështje kohe para se aplikacionet rivale të fillonin të kopjojnë premisën e thjeshtë.

Këtë javë, "TikTok" njoftoi një aplikacion të tillë të quajtur “TikTok Now”, ndërsa "Instagram" konfirmoi muajin e kaluar se po teston veçorinë e tij “Candid Challenges”.

"TikTok" njoftoi veçorinë e re të "TikTok Now" në një blog në faqen e tij këtë javë.

"'TikTok now' është mënyra më e re për t'u argëtuar dhe për t'u lidhur me të tjerët në 'TikTok' - një përvojë e përditshme me foto dhe video për të ndarë momentet tuaja më autentike me njerëzit që kanë më shumë rëndësi," shpjegoi ai.

"'TikTok now' sjell vërtetësinë e 'TikTok'-ut në një përvojë krejtësisht të re krijuese që ju lidh me njerëzit më të afërt me ju".

"TikTok Now" do t'u dërgojë përdoruesve një kërkesë ditore për të kapur një video 10 sekondëshe ose një foto statike duke përdorur kamerat e përparme dhe të pasme të telefonit të tyre brenda tre minutave.

Ai ka një skedë të dedikuar në fund të ekranit, duke zëvendësuar skedën 'Friends', ku përdoruesit do të mund të shohin videot dhe fotot e "TikTok Now" të miqve të tyre./ CNA.al

Lajmet e fundit nga