LEXO PA REKLAMA!

SHKARKO APP

App Store
Google Play

Elon Musk zbulon lëvizjen e radhës/ Starlink në bisedime me Apple për shërbimin e internetit

9 Shtator 2022, 16:03, Tech CNA
Elon Musk zbulon lëvizjen e radhës/ Starlink në bisedime me Apple
Elon Musk, miliarder CEO i SpaceX

Elon Musk thotë se Starlink është në bisedime me Apple për të lidhur shërbimin e saj të internetit me iPhone

CEO i SpaceX, Elon Musk ka bërë me dije se divizioni i internetit satelitor i kompanisë Starlink ka biseduar me Apple, për lidhjen e Starlink me Apple.

"Ne kemi pasur disa biseda premtuese me Apple për lidhjen e Starlink", duke shtuar: "Ekipi i iPhone është shumë i zgjuar", ka shkruar Musk në Twitter.

Apple këtë javë prezantoi versionin e ri të iPhone, iPhone 14 , i cili premton të përdorë shërbimin satelitor për të lejuar përdoruesit të bëjnë thirrje urgjente edhe kur nuk kanë sinjal, shkruan Insider.

Qëllimi i Starlink, sipas Musk, është të ofrojë internet në pjesë të largëta të botës dhe zona të tjera ku është e vështirë të marrësh shërbimin e internetit përfshirë Ukrainën.

Starlink është i disponueshëm për konsumatorët për t'u blerë, por edhe me marrëveshje me kompanitë.

T-Mobile njoftoi në gusht se po bashkohej me Starlink për të ofruar shërbim të zgjeruar telefonik për klientët.

Starlink ka arritur gjithashtu disa kompani transporti komerciale.

Royal Caribbean Cruises nënshkroi një marrëveshje me Starlink në gusht për të ofruar internet në anijet e saj.

Në prill, Starlink nënshkroi marrëveshjen e saj të parë me një linjë ajrore kryesore , Haëaiian Airlines, për të ofruar Wi-Fi gjatë fluturimit./ CNA.al

Lajmet e fundit nga