Sjellja në samitin e BE-së/ Bregu deshifron deklaratat e Ramës

27 Qershor 2022, 21:21, Politikë CNA
Sjellja në samitin e BE-së/ Bregu deshifron deklaratat e Ramës
Sekretarja e Këshillit të Bashkëpunimit Rajonal (RCC), Majlinda Bregu

Sekretarja e Këshillit të Bashkëpunimit Rajonal (RCC), Majlinda Bregu, ka komentuar sjelljen e kryeministrit Edi Rama gjatë samitit të BE-së në Bruksel, i cili sulmoi ashpër Bullgarinë dhe kritikoi BE-në për moshapjen e negociatave.

Bregu tha në emisionin “Top Story” se me fjalimin e tij, Rama donte që të tjerët të kuptonin se nuk mund të tallen me ne.

Ajo theksoi se kjo sjellje e kreut të qeverisë shkaktoi pakënaqësi të mëdha jo vetëm në Shqipëri, por edhe te ndërkombëtarët.

Pjesa publike dhe pastaj kryeministri shqiptar e ka zbardhur vetë fjalën e tij në samit. Niveli i pakënaqësisë dhe stresit ka qenë për të gjithë. Edi Rama shkon një hap më tutje dhe nuk e fsheh, dhe kërkon që të tjerët të kuptojnë se nuk tallen dot me ne. Në rast se liderë të tjerë rezervohen ta bëjnë, Rama nuk është ndalur në këtë rast.

Fryma dhe niveli i lartë i pakënaqësisë ka qenë në të gjithë ne, miqtë në rajon, të gjithë anëtarët mbështetëse të integrimit, kështu që niveli ka qenë maksimal i pakënaqësisë”, nënvizoi sekretarja e RCC-së./ B.A. – CNA.al

Lajmet e fundit nga