web counter
LEXO PA REKLAMA!

SHKARKO APP

App Store
Google Play

E fundit!

x

Sali Berisha dhe Xhafaj-Veliaj janë në të njëjtën linjë?

19 Maj 2024, 09:33, Politikë CNA
Sali Berisha dhe Xhafaj-Veliaj janë në të njëjtën
Fotomontazh, Sali Berisha, Erion Veliaj dhe Fatmir Xhafaj

Është e vërtetë e madhe, tashmë e provuar, se Sali Berisha dhe Fatmir Xhafaj jo çuditërisht, por faktikisht kanë një linjë publike në marrëdhënie me SPAK-un.

Në fakt Sali Berisha është më i afërt në akuza, në gënjeshtra, në shpifje për shkak edhe të hallit të tij sepse e kanë çuar në ballkon, megjithëse ai e di shumë mirë pse ndodhet aty, por i duhet kauza politike.

Nuk mund t'u thotë të tjerëve që jam këtu, në mënyrë të padrejtë ndoshta, sepse nuk më duan më në politikë dhe nuk janë prokurorët e SPAK-ut që e vendosin këtë.

Nga ana tjetër është Fatmir Xhafaj, i cili prej kohësh ka lëshuar tentakulat e tij për të sulmuar SPAK-un, duke kërkuar ta godasë gjoja me komisone “Ad-Hoc”, me komisione me prapavijë që kërkojnë të ushtrojnë presion ndaj SPAK-ut, por Fatmir Xhafaj ka një hall edhe më të madh.

Doktori ka 11 vjet që ka ikur nga pushteti, po kërkon të marrë pushtetin megjithëse ky duket një mision i pamundur, por ka një hall me SPAK-un dhe i ka shkuar në shtëpi.

Normalisht do të mbajë një qëndrim politik, ai do ketë një qasje ndaj publikut ndryshe, por doktori nuk ka halle shumë të mëdha siç i ka Fatmir Xhafaj.

Ky i fundit është hedhur në sulm ndaj SPAK-ut, për të mbrojtur Erion Veliajn, për të mbrojtur drejtorët hajdutë, për të mbrojtur dhëndrin e tij që e ka pasur drejtor Urbanistike në Bashkinë e Tiranës dhe po bën të njëjtën luftë që po bën Saliu me SPAK-un.

Fatmir Xhafaj ka hallin e 11 viteve pushtet të socialistëve, të Rilindasve, të 99-çave, të vjedhjeve, të makutërisë, të PPP-ve, të hajdutërive.

Edhe Saliu ka një hall me SPAK-un, ndoshta halli i ka bashkuar të dy, por të dy kanë një qasje të njëjtë dhe është e neveritshme kur shikon që Sali Berisha ka të njëjtën qasje me Fatmir Xhafajn, i cili është enveristi i fundit që është bashkuar me 99-çat e Erjon Veliajt. (LEXO KETU)

Pikërisht misioni i Fatmir Xhafajt është për të mbrojtur Veliajn dhe hajdutët e tij, dhe kësaj kauze i është bashkuar mesa duket dhe doktori, i cili turpësisht në publik ka të njëjtën qasje me Fatmir Xhafajn e tavolinave.

Nuk ka ndonjë ndryshim të madh. Dhe kur doktori bashkohet me misonin e Erion Veliajt, opozita duket se të ardhmen e ka edhe më të zymtë./ CNA

 





Lajmet e fundit nga