web counter
LEXO PA REKLAMA!

SHKARKO APP

App Store
Google Play

Rama mbledh grupin anti-SPAK/ Nesër, Xhafaj merr detyrën

6 Maj 2024, 22:12, Politikë CNA
Rama mbledh grupin anti-SPAK/ Nesër, Xhafaj merr detyrën
Kryeministri Edi Rama

CNA ka denoncuar tentativat e mazhorancës për të kontrolluar SPAK-un dhe institucionet e pavarura me një komision “Ad-Hoc”, që do të drejtohet nga Fatmir Xhafaj.

Ndonëse u duk sikur u tërhoq, mazhoranca po vijon betejën kundër SPAK-ut.

Burime zyrtare i thanë CNA-së se Rama ka thirrur në orën 09:00 mbledhjen e grupit anti-SPAK, pak para se të zhvillojë takimin me ministrat dhe deputetët.

Të njëjtat burime bënë të ditur se në mbledhjen e orës 09:00 pritet që Fatmir Xhafaj të marrë detyrën e tij.

Pra, nesër pritet të fillojë punën grupi anti-SPAK dhe kjo do të jetë risia e mbledhjes së Grupit Parlamentar dhe ministrave.

Gjithçka vjen si betejë me SPAK-un, pas luftës së ashpër të këtij institucioni ndaj korrupsionit.

Nga njëra anë, Edi Rama dhe Rilindja flasin për mbështetje ndaj SPAK-ut dhe institucioneve të drejtësisë e nga ana tjetër krijojnë komisione për t’i luftuar.

Rama mbledh grupin anti-SPAK/ Nesër, Xhafaj merr detyrën
SPAK

Kujtojmë se mazhoranca ka ndërmarrë një sërë veprimesh për të krijuar një komision “Ad Hoc”.

Ky komision 'Ad Hoc', i drejtuar nga Fatmir Xhafaj dhe një grup 99-çash të Rilindjes ka si qëllim të thërrasë në apel SPAK-un apo të kryejë veprime, të cilat mund të shkojnë te propozimet ligjore në lidhje me SPAK-un apo aktivitetin e tij.

Fillimisht ngritja e këtij komisioni u pranua, më pas u mohua. Kryeministri zhvilloi disa takime me Fatmir Xhafajn dhe grupin anti-SPAK.

Këto lëvizje të mazhorancës alarmuan ndërkombëtarët të cilët dolën me mesazhe që tregonin mbështetje të hapur për SPAK-un, por dhe vetë kreun e këtij institucioni, Altin Dumani.

Pas mesazhe të forta të SHBA-së, BE-së dhe Britanisë, mazhoranca u duk sikur bëri hapa pas, por Fatmir Xhafaj u pozicionua sërish në luftë ndaj SPAK-ut, duke përgatitur një draft për të goditur këtë institucion drejtësie.

Dhe pas përgatitjes së draftit, hapi i radhës i mazhorancës është mbledhja e nesërme e Ramës me grupin anti-SPAK./ CNA





Lajmet e fundit nga