web counter
LEXO PA REKLAMA!

SHKARKO APP

App Store
Google Play

DENONCIMI: Qeveria shpenzoi 9.5 milionë euro për dieta e bileta në 2023-shin

17 Maj 2024, 10:39, Politikë CNA
DENONCIMI: Qeveria shpenzoi 9.5 milionë euro për dieta e bileta
Edi Rama

Zëdhënësja për antikorrupsionin në PD, Genta Vangjeli, denoncoi sot nga selia blu se qeveria Rama shpenzoi 9.5 milionë euro për dieta e bileta të transportit ajror 2023 dhe 8.1 milionë euro për 2022-shin. 

Ajo theksoi se vlerat e paraqitura në raportin e APP janë pothuaj 3-fish më të ulëta se vlerat reale të regjistruara periodikisht në publikimet e shpenzimeve për blerje të biletave dhe udhëtimet jashtë vendit.

Deklarata e plotë:

Në analizën vjetore të APP-së për 2023-shin janë pasqyruar shpenzimet për blerjen e biletave të transportit ajror ndërkombëtar. Sipas këtij institucioni, për vitin 2022 vlera totale e shpenzuar për bileta ishte 2.9 milionë euro, ndërsa për vitin 2023 vlera totale ishte 3.6 milionë euro ose 25% më shumë.

Të dyja këto shifra fshehin fluturimet dhe shpenzimet lidhur me ato të zyrtarëve të Ramës.

Partia Demokratike bën me dije publikun se shpenzimet fundore për dieta e blerjen e biletave të transportit ajror për vitin 2022 kapin vlerën totale të 8.1 milionë eurove.

Për vitin 2023 kjo vlerë shkon në 9.5 milionë euro ose 18% më shumë.

Vlerat e paraqitura në raportin e APP janë pothuaj 3-fish më të ulëta se vlerat reale të regjistruara periodikisht në publikimet e shpenzimeve për blerje të biletave dhe udhëtimet jashtë vendit.

Sikurse vërehet, shpenzimet reale nuk përkojnë me vlerat totale sipas raportit të APP-së.

A janë këto rezultate veprime të kryera për shkaqe të mungesës së disiplinës profesionale apo veprime të kryera me dashje për të fshehur shpenzimet abuzuese e pa kriter të qeverisë që na drejton?

Kjo duhet hetuar….

Për parimin e transparencës as nuk po flasim sepse kjo qeveri dhe administrata e saj e konsiderojnë një fjalë boshe që kërkohet nga Brukseli, por nuk ka vlerë në Shqipëri./CNA 





Lajmet e fundit nga