web counter
LEXO PA REKLAMA!

SHKARKO APP

App Store
Google Play

E fundit!

x

Ministria e Jashtme thërret ambasadorin serb: Deklarata e Vulin-it provokuese, presim reflektim

15 Maj 2024, 13:51, Politikë CNA
Ministria e Jashtme thërret ambasadorin serb: Deklarata e Vulin-it
Aleksandër Vulin

Ambasadori i Serbisë, Slobodan Vukçeviç, është thirrur dje në Ministrinë për Evropën dhe Punët e Jashtme, ku iu kërkuan sqarime në lidhje me deklaratat që zv. Kryeministri Aleksandër Vulin ka bërë, referuar vizitës dhe takimit të Kryeministrit Edi Rama me diasporën shqiptare në Greqi.

Sipas Ministrisë së Jashtme deklarata provokuese e zyrtarit serb është në kundërshtim me frymën e marrëdhënieve të bashkëpunimit dhe nuk i shërben paqes dhe stabilitetit në vendet e Ballkanit.

MEPJ pret reflektim të menjëhershëm, në mënyrë që deklarata të tilla të dëmshme, të përsëritura të mos ndikojnë në marrëdhëniet tona, të cilat duhet të jenë të orientuara drejt fqinjësisë së mirë dhe integrimit evropian.

"Shqipëria është faktor i rëndësishëm që punon dhe kontribuon për paqen dhe sigurinë në rajonin tonë dhe kjo është në thelb të bashkëpunimit edhe me Serbinë. MEPJ pret reflektim të menjëhershëm, në mënyrë që deklarata të tilla të dëmshme, të përsëritura të mos ndikojnë në marrëdhëniet tona, të cilat duhet të jenë të orientuara drejt fqinjësisë së mirë dhe integrimit evropian", thuhet në reagim.

Në deklaratën e tij, dy ditë parë Aleksandër Vulin, u shpreh se Shqipëria e madhe mund të ndalet vetëm nga serbët dhe bota serbe. 

“Herën tjetër që qeveria e Greqisë të mendojë për njohjen e të ashtuquajturës Kosovë, le të kujtojë se si duket pritja e Edi Ramës në mes të Athinës. Atë që Rama nuk mundi ta përjetonte në Tiranë, e përjetoi në Athinë”, tha ai. /CNA 

 





Lajmet e fundit nga