Protestat kundër qeverisë/ Klosi: Nuk ka një zë publik, presim të thonë çfarë kërkojnë

17 Qershor 2026, 22:37, Politikë CNA

Protestat kundër qeverisë/ Klosi: Nuk ka një zë publik,

Blendi Klosi, sekretar i pergjithshem i PS ne RTSH

Sekretari i Përgjithshëm i PS, Blendi Klosi ka komentuar protestat para Kryeminstrisë duke deklaruar se një nga arritjet e protestës është fakti që është paqësore dhe nuk ka asnjë ngacmim ndryshe nga protestat politike.

I ftuar në emisionin “Trialog”, Klosi është shprehur se kjo protestë nuk arrin të artikulojë se çfarë kërkon por vetëm thuhet të rrëzohet qeevria, të ikë klasa politike.

Ai theksoi se protesta nuk ka një zë publik, ku njerëzit të besojnë pse duhet të largohet klasa politike aktuale dhe ta marrë një klasë tjetër.

“Nuk ka asgjë të keqe të protestohet dhe ky është parimi i demokracisë që është një moment i vlerësimit të situatës në të cilën ndodhemi. Pra, njerëzit që duan të protestojnë dalin në shesh dhe protestojnë. Nuk kanë asnjë shtrëngesë nga ana e qeverisë, nuk ka asnjë përplasje. Kanë ndryshuar kohërat kur ne ishim në opozitë, që duhej të ishe shumë i vëmendshëm, kishte përplasje, kishte sherre, kishte goditje derisa kishte edhe të vrarë në shesh. Sot jemi në një protestë paqësore pa asnjë ngacmim dhe ky mund të jetë një nga arritjet e protestës.

Protesta nuk arrin të artikulojë se çfarë kërkojnë, thonë që të rrëzohet qeveria e të ikë klasa politike dhe të vijë një klasë e re politike. Mund të jetë e bukur dhe vetë klasa politike e thotë duhet ripërtëritje, rinergjenzim. Por që të dalë një zë publik dhe të kemi një arsye pse njerëzit do të duhet të besojnë që të largohet kjo klasë politike dhe ta marrë kjo klasa e re që nuk është politike por do që të bëhet politike”, u shpreh Klosi.

Më tej Klosi theksoi se duhet të presin që protestuesit të paraqesin se çfarë duan dhe çfarë kërkojnë.

“Në fakt në demokraci, politikën kemi që i çojnë gjërat përpara dhe merr vendime apo hyjnë në garë elektorale. Kështu do të duhet të presim derisa protestuesit të paraqesin se çfarë duan dhe se çfarë kërkojnë”, nënvizoi Klosi./ CNA