Protesta e 7 korrikut/ Këlliçi: Nuk është për PD-në, por për qytetarët. Basha t’i bashkohet nëse e sheh veten përballë Ramës

27 Qershor 2022, 21:39, Politikë CNA
Protesta e 7 korrikut/ Këlliçi: Nuk është për
Deputeti demokrat Belind Këlliçi

Deputeti demokrat, Belind Këlliçi, tha se protesta e 7 korrikut nuk bëhet për Partinë Demokratike, por për qytetarët. “Është detyra e çdo deputeti opozitar që të jetë kundër Ramës dhe afër qytetarëve. Më vjen shumë mirë që ju cekët pak vendimin e Gjykatës që i ka dhënë të drejtë PD-së dhe Rithemelimit. Deri në një vendim të dytë PD drejtohet nga kryetari Sali Berisha. Ata që gjejnë si justifikim protestën e thirrur nga PD dhe Sali Berisha, për mua gjejnë një justifikim për të qenë larg qytetarëve. Ky është një lajm i mirë që gjithë deputetët do të duhet të jetë në protestë. Është një protestë që nuk bëhet për PD, por për qytetarët”, tha Këlliçi.

I ftuar në emisionin “Log”, dhe i pyetur nëse  duhet të marrë pjesë ish-kreu i PD-së, Lulzim Basha, Këlliçi tha se duhet të marrë pjesë në rast se e konsideron veten përballë Ramës. “Zoti Basha është votëbesuar deputet nga PD për të qenë përballë Edi Ramës, nëse është vërtetë përballë Ramës të dalë në protestë në datë 7 korrik. Nuk ka rëndësi kush e thërret protestën është detyrë qytetare të protestosh”, u shpreh deputeti i PD-së./CNA.al

 

Lajmet e fundit nga