LEXO PA REKLAMA!

SHKARKO APP

Përballja në gjykatë me Evis Kushin/ Albana Vokshi: Duan të na mbyllin gojën

28 Shtator 2022, 11:26, Politikë CNA
Përballja në gjykatë me Evis Kushin/ Albana Vokshi: Duan të
Deputetja e Partisë Demokratike, Albana Vokshi

Deputetja e Partisë Demokratike, Albana Vokshi, është duke vijuar përballjen në Gjykatën e Posaçme me ministren e Arsimit, Evis Kushi, pasi kjo e fundit e paditi për shpifje denoncimin e publikimit të tezave të provimeve të maturantëve para nisjes.

Pas daljes nga seanca gjyqësore, Vokshi tha se edhe sot Kushi nuk u paraqit në seancë.

Ajo ngriti akuzat se ministrja po tenton t’i mbyllë gojën, por theksoi se kjo përpjekje është e kotë.

“Ishte seanca e parë që shqyrtoheshin provat që kishte sjellë përfaqësuesi i Kushit, e cila edhe sot nuk u paraqit. Unë kam vendosur të vij personalisht në respekt të kohës dhe financave që po vë në dispozicion kjo gjykatë për një çështje politike, për të mbyllur gojën time dhe të kolegëve të opozitës.

U vërtetua që koha i ka dhënë të drejtë mësueses që ka denoncuar në skandalin e vlerësimit parauniversitar. Kishte vetëm disa shkrime që kishin publikuar statusin pas denoncimit që ka bërë mësuesja. Paraqita provat e mia, mesazhin që më ka ardhur nga një mësuese  nga Elbasani, dhe vetëm fjalia e parë e këtij sms, ‘dua të denoncoj një skandal, por mos më nxirrni emrin se më heqin nga puna’, kjo të bën të mendosh dhe kuptosh që mësuesit sot nuk flasin dot dhe janë të kërcënuar, dhe gjejnë mënyrën për të denoncuar një skandal në rastin konkret tek unë. E kam bërë publik duke iu referuar edhe në statusin tim, tekstit të mësues.

Ministrja në vend që të krijonte grup pune dhe të hetonte dhe të vinte para përgjegjësisë ata që kishin nxjerrë testet, më paditi në gjykatë. Nuk është padia e parë për mua, është padia e 6, më ka paditur Rama, Balla, sepse kam denoncuar korrupsione… pra kjo është një mënyrë për opozitën që të mbyllin gojën, por e kanë të kotë sepse do vazhdoj të jem në krah të mësuesve, prindërve, nxënësve sepse situata tani në arsim është ulëritëse”, tha ajo./ B.A. - CNA.al

Lajmet e fundit nga