web counter
LEXO PA REKLAMA!

SHKARKO APP

App Store
Google Play

E fundit!

x

Meta nuk heq dorë nga “tradhtitë”/ Me 4 deputetë sillet si kreu i Opozitës

27 Shtator 2022, 14:25, Politikë CNA

Meta nuk heq dorë nga “tradhtitë”/ Me 4 deputetë

Në çdo dalje për mediat kreu i PL-së, Ilir Meta, ka trumbetuar fort me zë të lartë, prerë dhe qartë se do të bashkëpunojë me PD-në dhe Sali Berishën.

Në daljen e sotme për mediat është pyetur dy herë radhazi për garimin me një kandidat të përbashkët në zgjedhjet vendore 2023 dhe mezi e ka përmendur përciptas PD-në.

Ky ngërç i Metës, duket se vjen pas takimit me ambasadoren amerikane Yuri Kim, e cila i shkoi në zyrë, edhe pse më herët ishte sulmuar ashpër prej tij.

Sot Meta, nuk tha qartë dhe prerë, si gjithnjë se do të bashkëpunojnë me PD-në, por duke thënë se janë të hapur për të bashkëpunuar me të.

Pra, Meta pret PD-në që të shkojë tek ai si dhe partitë e tjera opozitare.

“Ne kemi nisur përgatitjet për këto zgjedhje dhe shumë shpejt do të mbledhim edhe komitetin organizator të Partisë së Lirisë. Kemi ambicie shumë të forta për zgjedhjet që po afrojnë. Këto zgjedhje do të rivendosin edhe demokracinë vendore dhe llogaridhënien. Këto katër vite të një keqqeverisje totale kanë qenë të mjaftueshme për t'i dhënë asaj ndëshkimin e merituar. Objektivi ynë kryesor është fitorja e opozitës, pavarësisht se çdo forcë politike ka ambiciet e saj. Ne jemi të hapur për të bashkëpunuar me PD dhe faktorët e tjerë opozitarë që të mbështeten kandidatët më të mirë”, është shprehur Meta.

Partia më e madhe opozitare është anashkaluar nga Meta, i cili ka vetëm 4 deputetë në Kuvend.

Meta është kujdesur që të mos e përmendë dy herë PD-në, por të nënvizojë nevojën e një opozite të bashkuar.

“Sa i takon asaj me po me jo, po opozita duhet të dalë në të gjithë Shqipërinë me kandidatë të përbashkët. Kjo është më e mira për situatën sepse jemi në kushtet e një shteti mafioz dhe opozita duhet të paraqitet sa më e bashkuar. Por s’jemi në kushte normale dhe demokratike dhe opozitës nuk i lejohet të moskoordinohet dhe të mos bashkohet për interesin e shqiptarëve”, është shprehur Meta./CNA.al





Lajmet e fundit nga