LEXO PA REKLAMA!

SHKARKO APP

Lobimi rus/ Tabaku bën avokaten e Bashës: Kolegët po hedhin baltë

27 Shtator 2022, 14:08, Politikë CNA
Lobimi rus/ Tabaku bën avokaten e Bashës: Kolegët po hedhin
Jorida Tabaku dhe Lulzim Basha

Deputetja e Partisë Demokratike, Jorida Tabaku, ka bë avokatinë e Lulzim Bashës, teksa ka kërkuar hetim nga drejtësia për lobimin rus të vitit 2017 në Partinë Demokratike.

Tabaku kundërshtoi komisionin e auditit të ngritur nga Partia Demokratike, pasi pretendon kolegët e saj po hedhin baltë ndaj Bashës.

Sipas saj, PD nuk ka pasur e nuk ka për të pasur kurrë lidhje me financimet ruse.

“Nuk kam pasur asnjë informacion, sepse nuk kam pasur asnjë pozicion në atë kohë në PD. Të njëjtët kolegë që e mbronin dje, sot folin dhe hedhin baltë. Është e thjeshtë të hedhësh baltë mbi një person, prandaj politikanët duhet t’i kenë fjalët e sakta.

PD nuk ka pasur e nuk ka për të pasur kurrë lidhje me financimet ruse. Të bëhet hetim i plotë dhe transparencë e plotë. Institucionet e drejtësisë duhet ta realizojnë këtë. Një hetim dhe investigim i pavarur i ndihmon të gjitha palët të dalin më kokën lart”, deklaroi ajo në emisionin ‘Sot Live në Shqipëri’./ B.A. - CNA.al

Lajmet e fundit nga