LEXO PA REKLAMA!

SHKARKO APP

Lobimi rus/ Spaho: Do të thërrasim Lulzim Bashën, deklarimet e tij nuk përputhen

26 Shtator 2022, 21:40, Politikë CNA
Lobimi rus/ Spaho: Do të thërrasim Lulzim Bashën, deklarimet e
Deputeti Edmond Spaho

Deputeti Edmond Spaho, i cili është edhe anëtari i grupit të auditimit të ngritur nga PD-ja, për hetimet në lidhje me paratë ruse në PD, ka deklaruar se Lulzim Basha do të ftohet të japë shpjegime për këtë çështje.

I ftuar në emisionin "Debat" në "A2 CNN", Spaho tha se shumë prej deklarimeve të Lulzim Bashës nuk përputhen.

“Ne sot morëm në shqyrtim në Kryesinë e PD ngritjen e një grupi pune që do të bëjë një hetim të brendshëm të çfarë ka ndodhur me financimin nga rusët në PD. Ne kemi shprehur që në PD nuk kanë hyrë para nga rusët dhe burime të huaja. Afera për të cilën është diskutuar kohët e fundit, por edhe më përpara se të dilte, është personale e Lulzim Bashës. Paratë janë marrë prej tij pa njoftuar asnjë organ drejtues të PD dhe këta e ka treguar një hetim nga prokuroria që u mbyll me ndërhyrjen e Ramës. Faktet tregojnë që pagesat i janë bërë kompanisë. Do të shohim dokumentacionin që është në PD, por nuk ka dokumente dhe as regjistrime. Do marrim dëshmitë e disa njerëzve si Ilir Dervishi dhe Arben Ristanin. Madje do të thërrasim dhe Lulzim Bashën. Ne do ta ftojmë pastaj është në vendimmarrjen e tij, por ka së paku një detyrim moral për të thënë të vërtetën se nga kanë ardhur këto para dhe si janë përdorur. Ai ka dhënë shumë shpjegime që nuk përputhen me njëri tjetrin”, tha Spaho./ CNA.al

Lajmet e fundit nga